BOLETÍN DA REAL ACADEMIA GALEGA
Estudios e investigacións sobre Avilés de Taramancos
Agora teño saudade do futuro que hei de andar lonxe da miña cidade. Cúpulas brancas ao ar. E sinto na eternidade o corazón a soñar.
Ulises regresa a Ítaca ??o tempo abaneou os alicerces / dese outro soño de chegar un día?? e cando o poeta, xa instalado en Noia, rememora a través do espello do tempo a súa vila coruñesa realiza unha declaración que o define: ?Cando se está lonxe, cando os camiños da vida arrincan de raíz a alma do seu soño, e a transportan a descoñecidos horizontes, queda prendida dun fío feble e vital ?como é o cordón umbilical? a derradeira imaxe do entorno no que se respirou sen agobio, no que se amou con ternura, e no que se adeprendeu a simples teoría das cousas sinxelas, o voo dos paxaros ou a calma dominical dunha mañá de feira, e lévanse como nunha cinta gravada os rostos da xente e o perfil das casas e dos montes. Coñécese aínda árvore a árvore e pedra a pedra cada camiño. Esa imaxe permanente aflora no corazón cando un se sente perdido, cando está sulagado de saudade, e cando perdeu a esperanza de volver?. Mais Antón Avilés xa está de volta en Galicia e descubre, como lembra con acerto Ánxeles Penas, que ten dúas patrias, dúas terras matriarcais e que non quere, nin pode, renunciar a ningunha delas. No prólogo de presentación que a poeta coruñesa escribe para unha edición bilingüe dos Cantos caucanos, que ela mesma traduce ao español, despois de definir esta obra como unha epopea da diáspora do seu autor, afirma que Avilés mira ese mundo ?Cali e o val do Cauca? ?con ojos fundacionales, con la misma mirada quizá con que mirara de niño y de adolescente su Galicia natal y nos lo devuelve, como recién creado en una auroral visión. Un nuevo hombre ha nacido en las tierras del Cauca y es este hombre renacido quien, desde la distancia, puede formular por segunda vez otro antiguo arquetipo: el del paraiso perdido?. Os cantos caucanos, publicados cinco anos despois do regreso de Antón Avilés a Galicia, son unha espléndida homenaxe á vida colombiana e caucana do poeta. Basilio Losada, para quen a poesía ??a boa polo menos? é sempre autobiográfica?, observa sobre eles, en nota prologal ao libro, que son pura autobiografía, pois o poeta escribiu a obra ?ferido de lembranzas?. Avilés chega a sentirse ?náufrago do regreso? e entre a luz xeral que desprende o seu cántico chega a se filtrar ?a sombra da saudade que me fai inmortal e desvalido?. Estamos diante dunha obra que é resultado da nostalxia do poeta pola patria ?outra?, a ?luz extensa que percorre o Cauca?. No poema que pon punto final aos cantos, titulado ?A crónica ferida?, transparéntase desta maneira o estado do autor:
... Levo, como quen leva unha ferida, a extensa xeografía dunha patria lonxana, a cicatriz radiante de algo irrecuperábel e que habita conmigo.
Nº 364
172