Estudios e investigacións sobre Avilés de Taramancos
BOLETÍN DA REAL ACADEMIA GALEGA
Ouh luz, lonxana luz, perdida luz amiga: dez mil leguas de mar chámanse olvido, ou quizais non: escuridá medida metro a metro de dor cúbica e fera.
Mais, como vía para demostrar a existencia dunha ?dobre saudade? que preside unha parte importante da obra poética de Antón Avilés e que agora preferimos denominar ?saudade dividida?, debemos ter en conta un poema de amor que escenifica esa tensión entre ?dúas? terras e que a través da nova persoa amada ??as horas de desacougo que se volven anos, mentres a brisa da terra nova vai acolléndote?? se funden, coma se o encontro e o coñecemento amoroso fosen o bálsamo perfecto, a axuda inestimábel para superar os accidentes dolorosos da ausencia. O poema, pertencente á primeira parte de Os poemas da ausencia, vai dirixido a Sofía Vaquero Céspedes, futura esposa do poeta, natural do municipio de Cáqueza no departamento de Cundinamarca, topónimo este que en lingua chibcha significa ?terras do cóndor?:
Hoxe, amiga, quero soñarte núa, núa como un cristal na escuridade. É primavera en Noia, e a noite será unha longa mina de diamantes. Ando lonxe e senlleiro, triste e lonxe, como unha besta acoitelada brúo e arrepíanse os Andes ao meu paso. Camponesa de Cáqueza, ferida quixera verte hoxe nos meus brazos, eivada como un anxo en rebeldía, entón sería o meu amor a furna da túa fronte aterecida e pálida. E sería o meu nome a túa patria. É primavera en Noia e ando lonxe, ermo na miña dor diante da noite: montañesa dos Andes, con que gozo apreto a túa man estraña e única.
O poeta que un día arredado de marzo de 1962 lle dixera por carta a Salvador GarcíaBodaño que ás veces lle entraba ?a xenreira de mudar os Andes do seu sitio?, sente agora a chama dobre da saudade a arder no poema apaixonado da súa vida. Noia e Cáqueza fúndense no poema e o amor ??e sería o meu nome a túa patria?? realiza o milagre. Mais nace a partir de aquí, nesta fusión, a saudade dividida do poeta: ?Vir para América é como perderse no mar. O único que nos dá alento é a esperanza de volver un día?. E irase afianzando ese sentimento radical de nostalxia, esa división do ser, esa fenda. O propio poeta ten definido o seu sentimento da saudade, xa de volta en Galicia, como unha ?dobre permanencia que impide estar nos sitios que amas?. Con contundencia e lucidez analítica sobre o particular, Antón Avilés chega a afirmar, en conversa
169 Nº 364