BOLETÍN DA REAL ACADEMIA GALEGA
Estudios e investigacións sobre Avilés de Taramancos
cerá a flor, seguramente azul e ardente, da saudade. Na nota previa que pon á fronte dos Poemas da ausencia, asinada en Cali en novembro de 1979, Antón Avilés di textualmente: ?Vinte anos de ausencia na flor da mocedade trocan radicalmente a vida dun home. Vivir ?sobrevivir? vólvese a razón primaria do emigrado. Non hai tempo para gaitas nin para poemas. Erguer un fogar en terra allea, asimilar outra cultura e outra paisaxe, construír inconscientemente outra patria é unha tarefa na que a poesía se vai afogando pouco a pouco no silencio?. Sen dúbida que a ?fuxida? do poeta a América (Colombia) e a súa estancia de case dúas décadas naquelas terras, primeiro en Bogotá (19611970) e logo en Cali (19711980), constituirá un antes e un despois, non só no que atinxe, por razóns obvias, á súa andaina vital senón tamén no que respecta ao seu ánimo e ao seu estado poético, pois o afastamento da terra propia crearalle unha fonda e permanente ferida de carácter existencial. En carta dirixida a GarcíaBodaño (?lonxano irmán?) no ano 1962, Antón Avilés recoñece de entrada que ?o gume da dor vaime ferindo pouco a pouco? e despois de comunicarlle ao amigo que ?iste país de aqueloutrados vai esnaquizando a miña sensibilidade? advirte, ese era o seu designio, que procurará ?estar o menos tempo posíbel naquel desterro?. E remata a súa carta o poeta: ?O meu recordo vivo e fero a Compostela?. A saudade connatural que Antón Avilés leva rexistrada en si mesmo desde os albores do seu mundo poético ?a saudade inmediata do ?labrego investido pola melancolía? ou a do ?home de mar que esculca horizontes? no Taramancos natal? vese agora ampliada e amplificada polo afastamento físico e certo que o poeta sofre, ?lobo malferido no medio da vida?. Na anteriormente citada nota que introduce a lectura dos Poemas da ausencia, o noso autor expresa como corolario que, nun exercicio de superación do silencio obrigado polas circunstancias, ?construír inconscientemente outra patria? entre elas, ?aínda así ao longo do tempo ?ás veces catro ou cinco anos sen escribir ren? e ao longo dos camiños da América do Sur, sacudiume ese vello tremor atafegado e aí van as pobres rosas do meu desterro?. Xa no primeiro poema de Os poemas da ausencia, titulado ?Pórtico?, está presente, en clara alusión aos seus patrios lares e nunha clave de proxección dos íntimos desexos persoais do autor, a vibración da saudade: a nova saudade que o poeta experimenta lonxe da terra:
Criar con agarimo unha estirpe sinxela de toro campesiño e ponlas mariñeiras que amen fondamente a entraña paridora da Terra Nai, e sintan a saudade infinita dos lobos mariñeiros que foron do seu sangue.
O poeta terá en sucesivos poemas ?saudade da luz, do sal, de ver o vento, / da chuvia elemental caíndo nos pumares? e irá construíndo unha poesía onde o humus da dor está presente e medra cando a conciencia do afastamento da patria, ?as minerais entrañas do meu eido?, se fai nidia e salta a ferida:
Nº 364 168