Estudios e investigacións sobre Avilés de Taramancos
BOLETÍN DA REAL ACADEMIA GALEGA
ao destino. No quinto poema da serie ?O cazador no escuro?, correspondente á obra Última fuxida a Harar, podemos ler estes versos:
Mais é tamén a longa fondura da saudade, compañeira perpetua da feliz singradura...
E en Poemas a Fina Barrios. Pequeno canto, o poeta namorado ??meu amor é navío de altas sedas?? invoca tamén a saudade que sente o navegante cando ten a certeza apaixonada de que no amor está a salvación:
... Esta saudade de antigo gavieiro en pailebote soio no teu amor pode coidarse.
Mais, neste devalar da saudade que lle afecta ao ?eu? persoal e poético, podemos tamén comprobar como esta instancia se proxecta igualmente no colectivo, nunha tentativa por parte do poeta para establecer unha identidade que se eleva ao universal. E así lemos no poema ?Algúns serán galegos...?, datado no ano 1977 e presente na segunda parte de Os poemas da ausencia, os seguintes versos:
Vén o galego cismando a saudade consubstancial, o corazón aos catro ventos dos continentes e do mar, sempre en percura da ferida do seu cordón umbilical.
Saudade consubstancial. É dicir, saudade connatural, inherente, propia. O poeta ve e sente a saudade como unha calidade que teñen os seres (el, nós) pola súa propia natureza, de xeito tal que non poden deixar de tela. O sentimento da saudade adquire en Antón Avilés de Taramancos unha enerxía única que se transmite por toda a columna vertebral da súa obra poética e cando o poeta se dirixe á nai ??Miña nai (Lela da Pastora)??, convertida en radical imaxe da natureza ou, noutra orde interpretativa, ligando o significado do materno ao sentimento de nostalxia pola terra, faino desde o enraizamento extremo deste verso:
... na semente da saudade total que se abre na garganta...
II Mais o poeta, ser lúcido nos confíns da saudade e coñecedor dos seus límites, descubrirá, alén da saudade interior ou metafísica, alén da saudade orgánica que conmove as fibras do existir, unha nova lei que rexerá nos dominios deste profundo teatro da experiencia e dos sentimentos que nunca cesa. A vida do poeta ??esa nosa fuxida permanente, / ese ser e non ser?? coñecerá outros territorios e outros tempos nos que flore167 Nº 364