BOLETÍN DA REAL ACADEMIA GALEGA
Estudios e investigacións sobre Avilés de Taramancos
De súpeto viñeches con esa lonxanía, caraveliño feble en terra ventureira e eu abrín outra nova fiestra para o día. E todo canto amei foi unha lumieira, foi a fouce tan íntima que de cote se afía para ceifar dun pulo brutal a primaveira.
Con razón afirma Ánxeles Penas que este soneto, ?herido testamento de la pérdida?, será tamén o pórtico para os vinte anos de errancia por terras de alén mar onde o poeta experimentará o inevitábel desasosego do galego emigrado. O accidente biográfico que se materializa na ?fuxida? de Antón Avilés de Taramancos a Colombia no ano 1961 será clave, como claro condicionante físico e material, para entendermos a obra poética que o poeta nos ofrecerá no futuro e, en particular, unha das instancias fundamentais que a definirán per se: o sentimento central e incesante da saudade. Aos poucos meses da súa chegada a terras colombianas o noso poeta comeza a sentirse claramente un desterrado. A dor que lle produce o afastamento da terra propia comeza a abrir unha fonda ferida no seu ánimo. En carta dirixida ao seu amigo Salvador GarcíaBodaño, datada en Bogotá o 28 de xaneiro de 1970, Antón Avilés recoñéceo de xeito expreso: ?Unicamente a saudade me ten crucifixado. Non poido ter un día de festa, nen de acougo. Nos lugares máis fermosos onde pudera ter un intre de lediza, o nome de Galiza, dos amigos, acoitélame terrivelmente e vólvome aspro, duro, incomprensível. Non podo desfacer o nó dista forza cósmica?. A saudade que sente o poeta é unha saudade orgánica, interiorizada fisicamente no corpo ??estou a cegas nesta ausencia miña infranqueable?? e, tal como expresaría anos máis tarde, nun poema integrado en Última fuxida a Harar, ás veces adquire un tremor vivinte que perturba o cerne mesmo do ser: ?a avelaíña negra da saudade cravada contra o peito?. Xa na primeira obra de Antón Avilés, As moradías do vento (1955), publicada cando o poeta conta con vinte anos de idade, advertimos, dentro da delicada trama de percepcións sensoriais e emotivas que a define, a presencia e a voz da saudade:
... Outono fondo, fondo como un espello, fondo como a saudade. Voz lonxana de anxos, voz do vento en agonía longa.
A saudade para o poeta é un estado ?climático? do ser, unha certeza física que se asocia ao outono, unha forma de conciencia da temporalidade. Ramón Piñeiro, con quen Antón Avilés mantivo unha cordial relación epistolar desde a súa estadía en Colombia, ten definido a saudade como ?a vivencia ontolóxica máis radical do home, o verdadeiro sentimento da súa situación ontolóxica orixinal, ou sexa, da súa situación con relación ó Ser?. E o noso poeta fará cumprir na vida e na poesía o aserto piñeirán, sentindo o gume da saudade como unha marca íntima que irá asociada á natureza, ao amor, á patria,
Nº 364 166