Estudos e investigacións sobre María Mariño
BOLETÍN DA REAL ACADEMIA GALEGA
afasta da idea de que do indicible non hai nada que poida ser dito xa que carece de corpo semántico ou conceptual, para confirmar que o inexpresable, como contido latente, é unha realidade que só atopará acomodo formal e expresivo na non dicción. A linguaxe actuaría, así, nunha función deíctica, sinalando ou mostrando o que non pode designar. Non obstante, o baleiramento do eu e a non intencionalidade, que concretamos nos tópicos da inefabilidade da experiencia mística e no silencio, condúcennos a un paradoxo característico dos místicos e da mística, neste caso xa non relativo ó obxecto lingüístico, senón ó suxeito falante. Trátase da cuestión de que o poetamístico, aínda que non pode dicir, vese obrigado, pola plenitude de sentido que inunda a súa individualidade, a expresarse. É o pago da experiencia, a volta dunha viaxe da que non hai retorno absoluto: o místico regresa cambiado e, sobre todo, volve co coñecemento dunha linguaxe nova ??Vai de longo a súa liña / que ninguén nela volveu? (142)?. Tal é o que expresa William James (1994), que propón catro características da experiencia relixiosa mística: a inefabilidade, xa referida; a calidade de coñecemento ou profundamento nunha realidade intelectivamente non racional nin razoable; a transitoriedade da manifestación do misterio, á que nós nos referimos no sentido de que a natureza ou o cosmos se dan a coñecer de xeito caprichoso; e, finalmente, a pasividade, que implica o sometemento da vontade do místico, é dicir, a súa anulación á vontade superior do Misterio. Neste sentido, todo o poema 14 de Verba que comenza é unha explicitación de dita experiencia da pasividade, onde a voz poética, impelida polo mundo natural dun xeito que a veces se pode interpretar como físico, lle solicita unha tregua ou un repouso ante a súa insistencia por manifestarse: ?Calma, amiga, calma que tamén eu / espero. / (...) / Non me empuxes / si non me dás de a feito, non me empuxes que non / ando. / Non ando na túa liña / trillada de sóo. / Non ando entre pé descalzo ?mascarada verba?. / Non ando sin de ti forma ?luz viva?. Non ando, / non? (171). A aniquilación, ademais de no terreo da palabra, ó que acabamos de referirnos, pode efectuarse sobre a propia corporeidade substancial do poetamístico. No caso de María Mariño, esta actitude encadraríase no que Carmen Blanco considera unha entrega de carácter sensual e incluso masoquista á materia natural. Por suposto, podemos atoparnos diante dunha aniquilación radical e destrutiva, como a que constitúe a entrega ó lume que leva a identidade a reducirse ás cinzas, como xa levamos visto. Pero tamén existen outros posibles modos de suspensión da identidade individual, que van dende a confusión da mesma co entorno, ata a unidade simple antidualista, pasando pola multiplicación do eu. En canto á unidade simple, existen exemplos sobrados e ben significativos da súa consideración na obra da autora. Consiste, basicamente, nun camiño de retorno cara á unidade esencial do ser, rota no pensamento occidental polas categorías opositivas e as estruturas dualistas; neste senso, como o define orixinariamente Johannes Eckhart, é
35 Nº 368