BOLETÍN DA REAL ACADEMIA GALEGA
Estudos e investigacións sobre María Mariño
riamos dicir, no que non se di no discurso, nos espazos baleiros ou nos intersticios do dicir porque, en definitiva, o silencio é o soporte material no que se sostén a palabra e tamén a forma que a linguaxe ten de dicir que non pode comunicar e que non pode entender: o silencio é o baleiro, pero o baleiro atópase cheo de posibilidades: ?Hoxe o meu farto é baleiro. / Ten todo o que a ti non vai? (121)22. Antes de pasar ó silencio propiamente dito, faremos referencia a outra posibilidade de manifestación da inefabilidade, tamén moi común na tradición mística, como é o murmurio, balbuzo ou lalación. Trátase dunha redución da verba á súa dimensión fonética básica, a unha fase propiamente prelingüística, ó esencial da súa constitución como instrumento de comunicación, semellante á fala infantil ou á linguaxe do mundo natural, especialmente á dos paxaros ?como o cuco?, que con tanta frecuencia, precisión e hábito, como indica Olga Novo (2007), escoita a poeta de Noia23. O balbuzo do místico é unha constante na tradición literaria, presente, alomenos, en San Juan de la Cruz, Santa Teresa de Jesús24 e San Ignacio de Loyola ?a loquela?. Tal é a evidente incapacidade designativa que enuncia a voz poética cando asegura que ?Teño algo mui baixiño, teño algo de enxordar. / Sinto todo esto xunto, sin podelo separar. // Tan embrollado falo hoxe que cáseque non me entendo? (111). Como xa adiantamos, a manifestación máis obvia do non dicible e da imposibilidade do comprender é a do silencio, onde con claridade máis alta se manifesta o carácter apofático25, non dicible ou dicible por medio de atributos negativos, da expresión da vivencia mística. Existen moitas manifestacións de dito silencio na obra mariñana, algunhas delas asociadas, como vén sendo habitual, a imaxes procedentes do mundo natural ou tradicional; entre estas destacamos, pola súa recorrencia e potencia, a das medas e os hórreos. Trátase de figuras emblemáticas que son presentadas, habitualmente, como formas exentas do conxunto no que se insiren, o mundo natural e rural, destacando, precisamente, polo seu silencio e quietude. Por outra banda, representan ambas a recolección do gran, é dicir, unha unidade do sentido natural que aparece, como vimos anteriormente, de xeito denso, mesto e intenso. Así, por exemplo, entendemos ?entre berros de meniños, / entre ruxir e ruxir / hórreos calan erguidos...? (85) ou ?Agardando a súa mallega, / dorme o sono da meda? (88). Por outra banda, o silencio tamén é unha construción interior do mesmo sentido: ?vide esta tarde queda / para que este meu sentir / con vida e sen vivir / dea feito a súa meda? (86). Ademais dos símbolos mencionados, as referencias explícitas ó silencio tamén son múltiples; entre elas destacamos tres exemplos significativos polo que representan de silencio latente de misterio, pleno de son e inminente de contido: ?No silencio está o mundo que o peito sinte del. / As cousas todas calan, / escuitando del o certo mudo que a nós nos vén? (112); ?O silencio das cousas, hoxe, / aboia, aboia en min? (119); ?O meu silencio hoxe ten de abondo foliada? (122). Estamos diante dun calar que poderiamos cualificar de wittgensteiniano ??do que non se pode falar hai que calar?26?, porque se
Nº 368 34