BOLETÍN DA REAL ACADEMIA GALEGA
Eladio Rodríguez González
Poesía do Sentimento da Terra A definitiva liña temática e formal da poesía de Eladio Rodríguez González é a que triúnfa sobre as demais, superándoas, no seu mellor libro, Oraciós campesiñas. Empeza sendo un constante desenvolvemento do tópico ?menosprezo da vila e loanza da aldea?2 para chegar a constituírse nun ?misticismo da terra? (J. Rodríguez Yordi, 1956). Da primeira destas actitudes literarias ten a clave a infancia, á que dedica poemas como ?¡Tempos aqueles!...? (F: 197201), con tópicos clásicos e factura esproncediana. O proceso non é sinxelo nin transcorre por un so vieiro, pois preexiste, como diciamos, no primeiro libro de 1894 e vai tomando forma cada vez máis depurada nunha poesía que abandona o seu carácter epigónico para alcanzar un grao persoalísimo, de importante pegada na lírica galega posterior. Desta contribución foi consciente o crítico Vicente Risco, e así o deixou dito nunha reseña do libro na revista Nós (V. Risco, 1928). Coa aguda intelixencia que o caracterizaba, dedicoulles ós poemas de don Eladio certeros xuízos nunhas breves liñas. Reproducimos as que cualifican os versos do poeta do Ribeiro como a máxima expresión dun ruralismo trascendental: ?(...) poemas do mais san ienxebre lirismo, no que trasparece o fondo sentimento da terra e da peisaxe, que chega moitas vegadas â eisaltazón panteísta, e o que poidéramos chamar ruralismo trascendental, caraiterística en parte da lírica e do pensamento galego de hoxe. Iste ruralismo trascendental áchase moi por riba, xa non do ruralismo sinxelamente expresivo do conxénito atal coma s'atopa por eixempro nalgunhas cousas de Benito Losada mais tamén do imitativo en que caeran todolos escritores do século pasado. O ruralismo trascendental é o do que xa veu de volta das mais lonxanas cibdades.?
Volvendo á proceso de depuración mencionado, diremos que transcorre por varios meandros: I. A poesía metafísica e da saudade, que oscila entre o modelo rosaliano e a teorización galeguista a partir de Teixeira de Pascoaes sobre ese sentimento ou cobiza do alén, caracterizador da que entón chamaban alma da raza. Esta poesía de cariz metafísico está xa anunciada en Folerpas, nas composiciónsmosaico tituladas ?Charamuscas? e ?Faíscas? (7374, 185187). Será desenvolvida en Oraciós campesiñas máis amplamente, impregnada dun sentimento cósmico: ?Nos grandes ermos do infinito espacio us regueiros de estrelas forman o eterno mar de eternidade,, por inde a vida espirtoal navega? (?Degoros...?: 123)
Nº 362
88