Eladio Rodríguez González
BOLETÍN DA REAL ACADEMIA GALEGA
tame do ano 1887; son poemas lendarios debedores, como se indicou acertadamente, da famosa composición de Curros Enríquez ?A Virxe do Cristal?. As lendas narradas localízanse nunha zona próxima, arredor do río Limia. Nos respectivos exordios xustifica o valor das lendas desde un punto de vista ideolóxico e autorretrátase como poeta transmisor de narracións do pobo, xustificándose tamén por preferir ser cantor do pasado a ser o vate consciente do seu deber de orientar cara ó futuro. ?Xa sei que os bardos de hoxe están chamados á cantar as bellezas de Galicia; xa sei que os seus deberes máis sagrados son descobrir os trunfos que a xusticia do porvir pr'os gallegos tén gardados: no pasado pr'a mín está a dilicia: nada sei do porvir: non son profeta: ¡xiquera o nome teño de pöeta!....? (?O puzo do lago? F : 204). Don Eladio pertencía a unha xeración que viviu e practicou a revalorización romántica da literatura popular non fai falla máis que coñecer o seu diccionario enciclopédico, verdadeiro tesouro etnográfico, e tiña unha consideración elevada desa sabedoría que os aldeáns gardaban: unha ciencia que os labregos len nas páxinas abertas da Natureza, e os máis vellos aínda saben transmitir: ?con esa sencillez yesa dolzura, que encerran os idilios de Theócrito yas Vaguedás da galiciana Musa? (?O puzo do barco?, F : 143). ?¡Arrenégote, moda!?, ?¡A Noite de San Xuan!? e ?As festas da miña terra? (F : 7985, 117127, 171182) son extensas composicións costumistas premiadas tamén en Pontevedra e no devandito certame de 1887 en Betanzos. Nesta ocasión tamén ve premiado ?Os orfos da emigración? (F : 2156), un poema narrativo en sete cantos de tinguiduras folletinescas tan cargadas, que o apartan da liña rosaliana e deixan como único valor recoñecible a riquísima variedade métrica; quintillas, serventesios, octavillas, romances que en ocasións se organizan en cuartetas ou xogan co ?pé quebrado?. Xa nas festas da lingua e certames convocados no ambiente das Irmandades, no s. XX, Eladio segue a gañar premios con cantos definitivamente nacionalistas. O que pretendemos é facer consideración a parte deste tipo de composicións e ir tralo mellor desta poesía que, cando é froito da liberdade e non da circunstancia, mellora ostensiblemente.
87
Nº 362