BOLETÍN DA REAL ACADEMIA GALEGA
Eladio Rodríguez González
dos mortos (?¡Sursum corda!...F : 189191). Os vocábulos, lemas e expresións típicos da Cova Céltica aparecen aquí e acolá para que non se esquezan as premisas do galeguismo nin sequera en poemas de asunto lendario, como por exemplo, o desexo dunha Unión Ibérica que rompa as fronteiras con Portugal, presente en ?O puzo do Lago? (F : 160). Hai que dicir, por último, que os poemas de tipo social máis conectados co nacionalismo galego, despois do aquilatamento da influencia de Curros Enríquez, son os que publica en a Raza e Terra: ?As fouces?, ?Xan Labrego?, ?Via Crucis? e ?O camiño?. Neles insiste nos temas xa mencionados: ?O día que a Xan Labrego lle pete non ser máis Xan, as aldeas serán donas das cibdás? (?Xan Labrego? RT: 24). No seu desexo de trocar a resignación pacífica do país a través dunha literatura combativa, clama por unha poesía de carácter epopeico que el busca a través da chamada da arqueoloxía: o romance heroico ?O castro de Avión? (F : 5961) e o epitafio ?No Medulio? son boa mostra disto. Eduardo Pondal está detrás desta chamada , como o está detrás do ossianismo, as referencias clásicas, e o engado da toponimia da poesía de Eladio Rodríguez González: ?Co amor pátreo no peito por escudo ya fe na libertade por embrema, ensinaron ô mundo cómo sabe morrer nas ocasiós a raza celta, baixo o pendón sagrado e viutorioso da santa independencia? (?No Medulio?, F :135). Poesía de circunstancias Debemos considerar como un conxunto a parte a poesía de circunstancias, incluíndo a poesía de certames. Se ben é certo que Eladio participou en lides literarias de tipo rexionalista, obtendo por exemplo a flor natural dos primeiros Xogos Florais galegos celebrados en Tui no 1891 (X. Filgueira Valverde, 1991), cun tipo de poema que non se afastaba do que el xa cultivaba; tamén hai que ter en conta que estas composicións debían adaptarse ós modelos ás veces aínda rancios de extensión, gustos da época, xéneros e temas que os mesmos certames chegaban a fixar. Mesmo son composicións onde o poeta do Ribeiro chega ó alarde da súa habelencia métrica. Deste xeito, poemas como ?O puzo do lago? e ?O puzo do barco?, cos que gañou, respectivamente, a ?pluma de prata? no certame literario de Betanzos de 1886, e o ?caravel de prata ? na edición do mesmo cer
Nº 362
86