Eladio Rodríguez González
BOLETÍN DA REAL ACADEMIA GALEGA
Mar afora... mar adiante... co velame despregado e coas bandeiras ô vento polo ronsel eternamente branco e lumioso, que os vellos navegantes nos deixaron, teremos de alcontrar as novas roitas que tanto cobizamos? (As novas roitas?, OC:165166) Coincide con Manuel Murguía e Curros Enríquez en sinalar culpables da situación de escravitude da miseria do labrego galego: os caciques, a curia, o clero, os concellos corruptos, unha política inútil e a indiferencia das cidades. Podemos velo en ?Os bechos pezoñentos? (F : 97100), ou ?Verdades...? (F :103106), poema epistolar que arremeda a ?Carta sin franqueo? de Lamas Carvaxal. Cando se laia da situación de miseria do pobo galego, non o fai con grandes acenos, ó xeito de Curros, nin con chiscos de ollo, como Valentín Lamas ou Labarta Pose. Faino humilde pero contundentemente, como pode verse no seu poema máis combativo, ?¡Canté!? (F : 129130), dunha ideoloxía que o equipara a Aureliano J. Pereira. O motivo temático que máis se repite nos seus poemas civís é a suxestión ou aviso de que o labrego un día se levantará en rebelión, e está expresado coa imaxe da fouce afiada que toma de ?A fouce do avó? de Curros Enríquez. Como o poeta de Celanova, sabe conxugar as fouces como remedio de grandes males, co enxalzamento da pluma fronte á espada. Todo sexa para acabar coa mansedume do pobo galego, motivo recorrente na poesía social galega desde Xuan Manuel Pintos.: ?Coa humildade por sistema ya resignación por norma, trócase esta terra de héroes cuáseque en terra de ilotas... ¿Cando saberá Galicia mostrar seu brío e suas forzas?? (?Retranqueiras?, F :194) A emigración inspíralle sentimentos contradictorios: en ?Os orfos da emigración? e ?Lonxe do lar? (F : 2156, 163165) píntaa como un mal que hai que evitar, pois empeora a situación do pobo que queda e non mellora polo xeral ó que marcha fóra. ?Mundo adiante? e ?Os dous ronseles? (OC: 7374, 157158) mostran o cambio de parecer: hai que deixar ir ós mozos galegos, porque o seu país os mata de fame. Son o prototipo do novo heroe popular, o novo argonauta. Don Eladio presenta unha lectura bíblica da rexeneración de Galicia, concordante coa de Murguía, na que o país é outro Lázaro que espera un novo Cristo que o levante
85
Nº 362