BOLETÍN DA REAL ACADEMIA GALEGA
Eladio Rodríguez González
tico queda prendido do aceno último da rapaza da escena, e a mensaxe do que empezou sendo estampa costumista, fica esluída nese xesto: ?Còlle a meniña a ola de auga con artístico ademán, iô poñela na cabeza para dar volta pr'o lugar, asomella unha Cariátide do Partenón galicián... Foi n'un atardecer calmo do verau? (178). Poesía social Máis interesante para nós é sen dúbida a súa poesía social. A queixa e a denuncia son temas de importantes composicións nos seus dous grandes libros, e constitúe o núcleo de Raza e Terra. Non é difícil apreciar os matices da súa ideoloxía, acorde coa practicada polos integrantes da Cova Céltica, unha mestura de progresismo liberal e tradicionalismo rexionalista. Don Eladio renega dun século que se anuncia liberador de tebras e portador da luz do progreso pero permite que os homes sigan vivindo na escravitude da fame e a miseria. Decepcionado polo fracaso do Progreso, opta por agarrarse ó pasado, ás virtudes idealizadas pola súa propia infancia. Pero non se entrega de todo á tradición, senón que quere aproveitala para forxar un mellor futuro. Faino, por exemplo, utilizando a historia como fonte de aprendizaxe, como quería Manuel Murguía. Quere arrincarlle ó pasado as vellas glorias do pobo galego, para facer que esperte do seu terrible sono a unha nova vida atlántica, teorizada por Vicente Risco (?O camiño?, RT: 3032). Para transmitir esta mensaxe de optimismo ós galegos lanza estes versos que de algunha maneira están anunciando a un poeta aparentemente a anos luz de distancia do seu mundo, nin máis nin menos que a Manuel Antonio: ?Co barreno da idea (...) temos que escachizar os penedales das nosas choromicadas,(...) Imos no baixel dos soños cara ôs novos países do Lonxano, que están no mar do Futuro Vai connosco o Entusiasmo dos descobridores do Iñorado.(...)
Nº 362
84