Eladio Rodríguez González
BOLETÍN DA REAL ACADEMIA GALEGA
influencia de Rosalía, morta no 1885, e recollida como bandeira por Curros Enríquez, especialmente. Sabemos que Eladio Rodríguez deixa aconsellarse polo seu paisano Valentín Lamas Carvaxal nos seus primeiros pasos como poeta (R. Otero Pedrayo, 1999:155), e que del primordialmente tomará a veta costumista que entón é clave para o recoñecemento estético dun mundo aldeán nunca atendido. Este costumismo ten unha procedencia romántica que as novas maneiras realistas recollen polo seu valor fotográfico de usos e figuras que o tempo fará axiña desaparecer: tanto Rosalía de Castro como Lamas Carvaxal, como Eladio Rodríguez, se sumarán a unha tendencia que, como en Cataluña, o rexionalismo saberá aproveitar en beneficio propio. Poesía costumista O costumismo de Eladio ten unha vertente festiva predominante, pois declárase entusiasta idealizador das festas tradicionais galegas, como a noite de muiñada ou a de San Xoán, ás que dedica senllos poemas; así como a outras tantas ocasións festivas, que aparecen mencionadas en case tódolos poemas dedicados á vida aldeá. Neles a superstición ten un tratamento ambiguo, pois por unha banda é condenada como pexa que afoga as oportunidades de progreso do aldeán; pero por outra, élle difícil ocultar a don Eladio a fascinación estética que lle produce. Á hora de interpoñerse entre a vida e a morte, hai, desde logo, unha condena clara que coincide coa de Lamas e Curros, no poema ¡Meigallos! (OC: 129131). Dentro deste costumismo de liña festiva destaca a súa preferencia por determinados tipos: o rapaz festeiro e trouleiro de aldea, e a muller nova, ás veces retratada como víctima dos costumes morais da época1. Son tipos idealizados como o símbolo das forzas naturais non contaminadas, e podemos velos en poemas como ?Rapazadas?(F :239240), ?Xan Porentrelas?,?Miña Carrapucheiriña?, ?Férvellasberzas? (OC: 3334, 6768, 7576). A carón deles, é frecuente a aparición de tipos miserables, polos que sente unha bíblica compaixón transmitida á lingua moldeada polos diminutivos, moi mal entendidos se se xulgan desde unha óptica castelá. Son os refugallos que se ven pedindo esmola, os tangaraños de Curros Enríquez e Lamas Carvaxal arrastrándose en procesión, os mesmos que Valle Inclán transfigurou na súa obra. Eladio Rodríguez, nunha actitude de tenrura máis próxima á da de Castelao, velos pasar: ?(...) rimando coas estrofas dos seus días malfadados o magnífico poema das súas grandes saudades: ¡o poema dos pobriños desherdados da fertuna! ¡o poema das tristuras ias miserias feitas carne!? (?¡Malpocado!?, OC: 42) Esta poesía costumista abunda en Folerpas e xorde de vez en cando en Oraciós campesiñas, onde se transforma a través de novos vieiros. Un exemplo elocuente deste cambio de actitude estética témolo no poema ?Na fonte? (OC: 177178), onde o efecto esté
83
Nº 362