Estudos e investigacións sobre Manuel Lugrís Freire
BOLETÍN DA REAL ACADEMIA GALEGA
para sempre ser feliz. Cidre volve delicado e enfermo e, albiscando unha morte certa, intenta arranxar o matrimonio de Mima con Román, que, ainda sentindo amor por Esclavitú, se nega. Finalmente, Toribio preséntase por dúas veces na casa de Esclavitú, na segunda ocasión con intencións pouco honradas. Cidre escolta dende a habitación contigua que Toribio violou Esclavitú e intenta vingarse, mais, a causa da súa doenza, cae morto antes de que Román acuda aos berros de Esclavitú e acabe co andaluz, non sen antes pedir, de maneira excesivamente efectista, a venia da súa amada. (Abuín / Ruibal 2006: 2122)
Pillado Mayor (1991: 128129) considéraa a de menor tensión dramática entre as pezas de Lugrís Freire, e sospeita que a posibilidade dunha representación rápida puido motivar unha escrita rápida e menos atenta por parte do autor. Un dos aspectos máis interesantes da obra é a reaparición do personaxe de orixe non galega, neste caso un andaluz, que encarna todos os defectos e recibe unha caracterización dicotomicamente negativa. Como xa vimos, é este un trazo propio dos dous textos da etapa cubana, mais agora encontramos este tipo de personaxe nun drama, superando as accións negativas de Toribio o andaluz ?a violación de Esclavitú?, os límites do aceptábel, polo que tamén o seu castigo será máis grave. Igualmente o pai de Toribio é caracterizado de maneira negativa pola súa teimosía para que os fillos non casasen con ningunha rapaza galega, feito que provoca máis anoxo no caso de Román e lle proporciona unha ocasión máis para enxalzar Galiza:
Román. (...) O andalús, seu pai, ô facer testamento, puxo unha cláusula dicindo que desherdaría ô fillo que se casara c'unha gallega. ¿Non ê, pois, un aldraxe que Toribio olle para ti, que ês gallega, nacida nesta bendita terra dos meus quereres? (Lugrís Freire 1906: 12)
En calquera caso, Toribio representa o estamento caciquil, estando moi próximo dos rexedores e políticos da comunidade, como acontecía co cacique d'A Ponte, polo que podemos recoñecer desde aquí un dos trazos comúns a todo este teatro: a construción dun referente opositor que se localiza maiormente nos estamentos de poder. Con esta oposición de tipo social, superponse novamente o motivo da honra, a través de persecucións que, fronte á d'A costureira d'aldea, se tornan máis perigosas e inxustas debido ao abuso de poder que, o Vinculeiro n'A Ponte, Reinaldo en Minia, o adiñeirado Cidrán e o crego D. Perfeuto en Mareiras, ou Toribio en Esclavitú, exercen sobre as súas vítimas. Este abuso vese aumentado pola indefensión das mulleres, desvalemento que serve tamén de denuncia da situación en que quedaban cando eran orfas, ?caso de Minia ou Esclavitú. Unha terceira característica do conxunto é o seu carácter tráxico, requirido pola gravidade dos acontecementos presentados e o desenvolvemento da acción que, como apuntan con frecuencia os estudosos, deixa adiviñar desde o inicio o desenlace. Outro elemento recorrente nestas pezas é a presenza da relixión como obxecto de reflexión, nomeadamente no caso d'A Ponte, onde Antón representa un pensamento anti85 Nº 367