Traballos e investigación sobre outros temas
BOLETÍN DA REAL ACADEMIA GALEGA
tir do curso 9192, así como dunha proposta de composición das comisións que velarían pola normalización da lingua da franxa exterior28. Vega (1996) consideraba que os puntos 5 e 6 desta proposta non se podían aplicar en Zamora polo escaso número de alumnos co galego como lingua materna (uns 50 de primaria nas escolas rurais de Lubián e Barxacoba e outros 50 dun total de 500 de secundaria obrigatoria no Instituto de Puebla de Sanabria), o que fai pouco representativo o grupo de lingua minoritaria. Polo contrario, consideraba que os puntos do 1 ó 4 eran axeitados para térense en conta nos novos planos de estudio.
7.2. Reivindicación desde os concellos: a cooficialidade na Veiga de Valcarce Ata moi recentemente non houbo ningunha iniciativa desde o goberno de Castela e León sobre o potenciamento do galego no Bierzo nen nas Portelas. E desde as organizacións progresistas o interese pola lingua e pola cultura galega foi, en xeral, ?museístico?29. Desde hai uns anos, e moi de cando en vez, a prensa galega recolle manifestacións nas que cargos políticos defenden a galeguidade da comarca. É o caso das declaracións do alcalde de Borrés, que en 1995 solicitaba do Consejo Comarcal del Bierzo ?que propicie la instalación de un repetidor de la TVG en El Bierzo? para poder ?fomentar y mantener el carácter bilingüe de los habitantes de la comarca?30. Xosé M. Gutiérrez Monteserín, alcalde socialista de Valboa e vicepresidente do Consejo Comarcal do Bierzo afirmaba en 1994 que consideraba desexable a iniciativa de ensinar galego nas escolas bercianas, xa que contribuiría ó recoñecemento da identidade, á vez que criticaba o feito de que a escola empobrecese ó facer que nenos galegofalantes abandonasen a lingua propia ó seren escolarizados31. Monteserín, dinamizador do Grupo Cultural ?Carocos? e primeiro político que no Bierzo xurou o seu cargo en galego, falaba da marxinación dos galegofalantes do Bierzo, ós que se lles fai ver que o uso do galego é sinal de incultura, marxinación que el mesmo sufriu ó entrar na escola32. Por outra parte, o Partido del Bierzo, ademais de reclamar que a comarca acade a categoría de comunidade autónoma, defende o bilingüismo docente e administrativo para a zona33. No verán do 2000 comezou unha ?revolta? de alcaldes de concellos galegófonos da mancomunidade do Bierzo oeste, que ameazaron con propugnaren a anexión a Galicia de non seren atendidas pola Junta de Castela e León os seus pedimentos para investimentos. Comezou esa ?revolta? a alcaldesa da Veiga de Valcarce, concello que estrema con Lugo, e máis tarde, entre outros, falaron de posible segregación os alcaldes de Carucedo, que linda con Ourense, e o de Borrés que xa non limita con Galicia34. O 24 de febreiro do 2001 o grupo municipal de Renovación por Valcarce presentou unha moción ó pleno do concello da Veiga de Valcarce con cinco puntos: 1) Declaración do galego como lingua propia e cooficial; 2) Declaración do galego como patrimonio cultural do concello; 3) Solicitude ó Instituto de Estudios Bercianos dun nomenclátor toponímico; 4) Introducción da rotulación bilingüe; 5) Introducción progresiva da
341 Nº 363