Vida oficial da RAG
BOLETÍN DA REAL ACADEMIA GALEGA
mos, nin podemos, voltar as costas á realidade ilustre da cultura do mundo. Da cultura da que nós, os galegos, nós, os fillos de Galicia, somos un anaco esencial e insustituible. Por eso a nosa docta Corporación agradece tamén a Camilo José Cela os seus empeños, a súa eficacia, e o seu non negado amor á terra. Mais eu quixera, para rematar, expoñer agora aquí, diante de todos vós, señores Académicos, e galegos que me escoitades, unha esperanza cecáis non desmesurada. A de que o noso gran escritor dea calquer día un pincho existencial e se decida a empregar a vella e fermosísima lingua galega, como hoxe o ten feito, na obra de creación literaria. Cando eso se produzca, Camilo José Cela, endemáis de Académico de Honra, acadará outro título: o de escritor galego en galego. Que xa non é pequena cousa. E ren máis, Señores Académicos. A Ciencia alemana entra hoxe na nosa Academia. A Literatura castelán entra hoxe na nosa Academia. E a Academia ha seguir abríndose a todalas manifestacións do espírito, cando esas manifestacións sexan auténticas. Cando sexan creacións reales. Cando entren a formar parte, tamén, dise imenso tesouro cultural que en Europa naceu e que desde Europa sigue o seu camiño cara aos outros continentes. Un camiño, señores Académicos, que Galicia transita, que Galicia debe transitar. Hoxe coa compaña de Joseph Piel e de Camilo José Cela, imos facendo vieiro. D. G. S.
345
Nº 364