BOLETÍN DA REAL ACADEMIA GALEGA
Eladio Rodríguez González
que valéndose dos cargos que ocupan no Consello direitivo, veñen facendo, as espaldas dos demais Académicos, cantas cacicadas se lles ocurren e póñemos como exempro o da designación do Sr. Ponte Blanco, cousa que, como decimos mais arriba, foi amañada pola direitiva que exercen os Sres. Rodríguez González, Estrada Catoyra e o mesmo Ponte Blanco a quen acusamos de seren eles os que remataron co pouco prestixio que xá lle iba quedando â pobre Academia. ¡Se o gran Curros erguérase da sua sepultura! E non imos a indinarnos porque non val a pena tratándose de quen se trata. Dende hoxe para nós e para Galicia morréu a Academia xá que no sucesivo o pouco que faga será somentes poñer en ridículo â nosa terra. E para eso si que estaremos alerta para falarmos en todo momento co'a craridade que o fixemos n'este (ANT 1924c).
Aínda no mes de xuño de 1924, o xornal nacionalista volve sobre o tema tratando ironicamente o asunto con motivo da semblanza que se fai do novo presidente no Boletín de la Real Academia Gallega. Segundo eles, descoñecían todos os méritos que se mencionan de Ponte y Blanco, de coñecelos non terían dito nada. E falando dos académicos coruñeses di textualmente: ?Se se dedicaran a comer morrillo podían hoxe presider, calqueira d'eles a Real Academia Galega? (ANT 1924e). Julio Dávila comenta a César Vaamonde as duras críticas que lle fan a Eladio Rodríguez desde a prensa nacionalista:
Referente a la elección del Presidente de la Academia van llegando a mis manos diferentes publicaciones. ?A nosa perra?, como le llamaba Don Bernardo11 al organillo de los nazonalistas, arremete furioso. Al amigo D. Eladio lo tratan despiadadamente. Yo creí que con la concejalía que le adjudicaron a D. Eugenio12 por la Academia se llamarían a sosiego. A usted lo encuentro excesivamente reservado en esto de la elección del Sr. Ponte y Blanco. ¿por que será? Ya me lo dirá algún día si Dios lo quiere (Dávila 1924: 5V).
Non sabemos das reticencias de César Vaamonde respecto da elección de Ponte y Blanco, mais o seu mandato non lle foi moi favorable. Na primeira sesión que presidiu elixiuse unha nova Comisión do Diccionario, na que el, compilador e redactor, non estaba presente, sen que saibamos cál foi a razón que a motivou. Amor Meilán apunta á diferencia de criterio á hora de elaborar o DRAG (Expediente Diccionario 1928. Vid. Apéndice III). Este foi o primeiro escollo que o diccionario da Academia tivo que salvar, á parte dos problemas económicos.
Nº 362
106