Estudos e investigacións sobre Xosé María Álvarez Blázquez
BOLETÍN DA REAL ACADEMIA GALEGA
tar (?Sin voz?) a madurecida comuñón sentimental, a radical harmonía interior, a absoluta identificación que o amor e a vida teñen procurado aos suxeitos (ti, eu) do poema. Poema de amor, este ?Sin voz?, pois o amor é tema primeiro deste Canle segredo22 e nese puro latexo perviven, nesta e outras composicións amorosas, o poeta e a súa dona, vista como muller, esposa e nai. A esta temática da primeira parte do poemario hai que engadir os poemas ao fillo (?O neno?, ?Meu moneco?) na órbita do lirismo familiar que o poeta cultivou con tanta frecuencia. Ao amor encarnado, enraizado e aínda ?arraigado?, celebrador do ti destinatario e confidente que o eu exalta e idealiza non sen algunha intención precautoria ou admonitoria (en ?Naufraxio?), hai que engadir outros motivos universais como a lembranza da terra, a constatación do paso do tempo co seu acarreo de perdas e derrubos entre os que salienta con claridade a perda do paraíso da infancia23; a morte do neno que o poeta foi e que revive e retorna na súa memoria unha e outra vez:
?... mentres cavilo nun cativo que durme xa pra sempre perdido no meu peito? (?Os ácios?) ?eu era un neno de ollos redondos polos camiños da terra? (?Lembranza?)
e que informa títulos como ?Aquil neno que eu fun?, ?Baión?, ?Camiños?, ?O carro dos nenos?, ?O medo? e outros. Aos motivos citados cómpre engadir o da saudade (explícito nas encrucilladas existenciais que cruzan ?Saudade?), a perda do mundo aldeán asociado á infancia e á familia (en ?Soedá?, impresionante, estarrecedor, e mais en ?Elexía a unha muller do campo?, duro e tenro á vez). A aldea é outro paraíso perdido e asociado á nenez. O sentimento da terra é fonte de angustia, de desacougo. O medo é un latexo fantasmal fundido outra volta coa nenez. O sentimento relixioso (en ?Camiños?) figura aquí e alá, inequívoco. O noxo, a invectiva24 son respostas a unha comunidade social farisaica que só respecta o poder, a posición social, o diñeiro. Malia o substantivo intimismo deste poemario, non estamos diante dun lirismo solipsista. O eu lírico dialoga nos espellos da infancia, do tempo, da vida familiar. Hai neste Canle segredo intimismo amoroso, veta existencial feita de desasosego e degaro, saudade e rexeitamento en voz ben alta do presente visto como desposesión e orfandade e, doutra banda, rexeitado no comunitario por inmoral e degradado. O rexeitamento do mundo reflíctese, nun primeiro intre, en ?Panida?, onde o poeta reformula o motivo do beatus ille horaciano; despois, de xeito máis radical e virulento, en ?Visión?. O ámbito dos soños é un acubillo, un refuxio ao que o poeta volve unha e outra vez, mentres a esposanai de ?Maternidade? resiste como táboa de salvación no naufraxio existencial, mentres perdura o ?delor
31 Nº 369