Vida oficial da RAG
BOLETÍN DA REAL ACADEMIA GALEGA
a unidade oración e os seus constituíntes. As informacións e a súa importancia son doadamente deducibles á vista dos campos traballados: estudo das clases de oracións, estudo da orde de palabras, dos tipos xerais de esquemas verbais e das súas relacións, do comportamento de diferentes clases semánticas de verbos, dos diferentes constituíntes funcionais (suxeito, CD, perífrases verbais, Pvo...) etc. Tras unha primeira fase en que cada un dos membros do equipo se encargou de examinar e supervisar un verbo (afogar, esquecer, acordar, manter, deixar, volver) para poñer a proba o funcionamento da base e os criterios establecidos, o proxecto continuou baixo a supervisión de X. Xove. Para facer o traballo da maneira máis operativa e sistemática posibles, seguiuse a agrupación semántica dos verbos, e non unha orde estrita de frecuencias ou alfabética (verbos de movemento etc.). Ao remate do ano 2005 ían descritos 41 verbos, cun total de 24.981 rexistros, é dicir, un terzo do total inicial. Durante os tres primeiros meses deste ano a bolsa estivo sen cubrir. A primeira bolseira do seminario, Soraya Domínguez Portela, presentou un TIT sobre a complementación preposicional dos verbos de movemento, baseándose no corpus e metodoloxía do proxecto, e agora está realizando a súa tese de doutoramento sobre as construcións dos verbos de movemento, co mesmo método e un corpus moito máis amplo, baixo a dirección de Rosario Álvarez. ? Seminario de Onomástica, creado en 2001. Director: D. Antón Santamarina Fernández. Financiamento: Real Academia Galega. Traballos desenvoltos: Esta Comisión elaborou numerosos informes solicitados por institucións xurídicas e particulares, referidos, os máis deles, a establecer a forma galega correcta dun nome ou dun apelido, entre os que figuran: Antucho, Bieito, Caxide, Eloi, Helena, Meixide, Xocas, Xandra. Outro informe realizado foi o do topónimo Láncara. II. Sección de Historia, creada en 1998. Director: D. Xosé Ramón Barreiro Fernández. Financiamento: Parlamento de Galicia e Real Academia Galega. Traballos desenvoltos: 1. Esgotada a primeira edición da obra Parlamentarios de Galicia. Biografías de Deputados e Senadores (18102003), a Real Academia Galega e o Parlamento de Galicia encargaron unha segunda edición. O coordinador xeral do proxecto, o profesor Barreiro Fernández, e os doutores Beatriz López Morán e Xosé Luís Mínguez Goyanes, responsables respectivamente dos tomos I e II, dan conta de importantes modificacións introducidas nesta segunda edición tanto na parte textual como nas ilustracións que, lembremos, ofrecen en moitos casos unha imaxe novidosa de gran número de políticos sen rostro. 2. Entre os proxectos desta sección ocupa un capítulo importante a catalogación, transcrición e anotación do monumental epistolario de D. Manuel Murguía. Publicouse neste 2005 o segundo volume do que son tamén responsables o
305 Nº 367