BOLETÍN DA REAL ACADEMIA GALEGA
Traballos de investigación e estudo
37
38
39
40
41 42
como dineros en lugar de ducados, coma dúas liñas máis arriba. Criado en Valladolid de Diego Sarmiento de Acuña, encargado da administración das contas. Xa en 1597 o atopamos levando a don Diego as contas dun seu correspondente, Jerónimo Zapata [RB II/2147, 35]. Ao longo do epistolario é citado frecuentemente neses labores de tesoureiro. Trátase probablemente de Francisco Barros Troncoso, que por esas datas desempeña un cargo militar en Baiona. Así, por carta de 29 de abril de 1603 sabemos que o conde de Caracena, gobernador do reino de Galicia, lle encomenda preparar a milicia do seu distrito [RB II/2137, 1]. A abundante correspondencia que mantén con don Diego trata sempre sobre accións militares na costa de Galicia ou peticións para levar adiante as súas pretensións, coma a de que S. M. lle dea unha compañía [RB II/2137, 1] ou a de ser gobernador do castelo de Viana [RB II/2113, 81]. Dominico, autor da tradución ao español da Primera parte de los sermones, de Cornelio Muso, bispo de Bitonto (Salamanca: Andrés Perraut, 1602). Esta edición está dedicada a don Lopo Ambrosio, primoxénito de don Diego Sarmiento de Acuña (Domingo Malvadi 1995: 4). Na data da carta atópase en Pontevedra, probablemente no convento de San Domingos, se ben a finais de ano xa o atopamos en Castela [RB II/2171, 47], tal como era o seu desexo, a xulgar pola petición que fai a don Diego para retornar ao seu convento [RB II/2171, 84]. Existente tamén en variedades do castelán, posiblemente non moi difundidas xa na época, a xulgar polo comentario de Diccionario de Autoridades (1732), «Lo mismo que avantal ó delantal, aunque menos usado», que remite como testemuño a Covarrubias (1611), «Traele Covarr. en su Thesoro». Véxase, ademais das dúas cartas editadas, RB II/2142, 257. O das Achas é parente de Diego Sarmiento de Acuña e as súas peticións de emprego ao servizo da coroa son constantes ao longo da correspondencia entre ambos conservada no epistolario de Gondomar. Así, cando remata a comisión de Baiona, a fins de 1605, relata o seu retorno a Petán e as Achas, a ?soledade? que ten de Baiona, da compañía do señor tesoureiro e de ?toda la gente de aquella villa, que la quiero mucho?, e solicita novos empregos, tales como a administración do Hospital Real de Santiago, o correxemento de Baiona ?pois ?aunque sea cargo de letrado, teniendo un teniente lo podré
servir?? ou o cargo de Diego de Grijalba, que prevé quedará vacante, xa que este acompaña ao conde de Caracena, promovido a Valencia [RB II/2113, 134]. A petición para a administración do Hospital de Santiago non caeu en saco roto, como nos deixa ver unha minuta redactada por don Diego Sarmiento de Acuña o 26 de abril de 1608: «Diego Sarmiento de Sotomaior, cuyo es el valle de las Achas en Galizia... a servido a V.Mgd. con su persona, hazienda y vasallos... y por allarse de hedad de más de seçenta años y libre y desembaraçado de hijos, supplico... le hagan de la administración del ospital real de Santiago, que está baca» [RB II/2133, 158]. 43 Constatamos que por abril do ano anterior á data da carta, don Diego Sarmiento de Acuña era felicitado polo casamento da súa filla Xoana por Felipe de Montenegro [RB II/2171, 42], o que nos fai pensar que a Xoana mencionada na carta é filla do propio señor das Achas. Esta identificación concorda mellor coa situación en que se alude a esta Janiña na segunda carta: «ya miña Janjña Sarmiento me beim abraçar e naon quer que escreva máis» (cf. § 2). Coñecemos, ademais, por carta de xuño de 1605, a celebración do bautismo destoutra Juana: «Lo que puedo dezir a vm. es que yzimos el bautizo de nuestra Juana y fue madrina su tía doña María y el tesorero Antonio Borxes de Sousa» [RAH 9/76, fol. 166]. 44 Diego García é criado de don Juan de Acuña [RB II/2113, 78]. 45 Deste tesoureiro consérvanse numerosas noticias no epistolario de Gondomar, ademais de cartas da súa autoría. Como consecuencia do seu cometido na descarga da nao São Roque, sabemos por varios correspondentes de don Diego, e por el mesmo, que foi requirido para dar «su cuenta en la contaduría de Lisboa», o que lle supuxo un grave problema debido a que «las cosas que izo fueron contra las órdenes de aquel reyno (...) pues seguía las de Castilla» [RB II/2113, 38]. San Juan de Mendoza Contreras, autor da carta citada, di que Antonio de Sousa está escandalizado por esta decisión e que ?antes yrá a Turquya que no yr a dar cuentas a Portugal?. Gregorio de Castro e Oia, en carta de 19 de agosto de 1605, dá conta do bo labor do tesoureiro, que contribuíu a que os mercaderes, amparados nunha carta escrita desde Lisboa ?llena de disparates y fundada en su probecho para que su magestad les hyziese alguna baja?, entrasen en razón e recibisen a pementa no prezo xusto. E, facéndose eco do problema que a don Antonio lle ocasiona dar contas en Lisboa,
Nº 366
266