BOLETÍN DA REAL ACADEMIA GALEGA
Estudos e investigacións sobre María Mariño
vai permitir a aparición da palabra: ?Papel branco, / trillado, / papel, / berra, / berra entre os fortes / desde onde as miñas verbas che magoan? (148)38. Por suposto, o baleiro é a plenitude que suspende as oposicións entre o todo e a nada: ?Erguida en ondas con el, / crucei o mar que soñei cando o non conocía, / cruceino, / cruceino enteira de baleiro novo.? (166). O baleiro atópase directamente relacionado con outros dous conceptos propios da expresión poética, como son a inocencia e a memoria. O primeiro deles ten que ver, no caso de Mariño, coa infancia; trátase dun estado de descoñecemento orixinario que se caracteriza por unha indisposición cara ó inmediato ou, o que é o mesmo, un espazo especialmente predisposto para a aparición do Misterio. Por outra banda, a vivencia da infancia dá lugar ó tema da orixe, á que se tratará de regresar. Un dos mecanismos empregados para dito obxectivo é o da memoria, que actúa como filtro mediante o que se traslada a consciencia poética a unha dimensión diferente e incluso transcendente. Dentro da experiencia alóxica que é a mística, o recordo vaise converter en esquecemento, posto que tal é realmente o obxectivo da busca do poetamístico. Debemos entender o esquecemento, ó igual que ocorría coa nada ou o baleiro, como un espazo de inminencias, a lembranza baleira do que foi un espazo ocupado ou o espazo en branco que queda na memoria cando esta se suspende. É, logo, un lugar de alumeamento ou de satori, por empregar o termo zen, no que a imaxe que queda velada pola nonmemoria pode, repentinamente, emerxer do fondo, como emerxían tamén, de feito, os peixes das augas abisais no exemplo citado con anterioridade. Son moitos os casos nos que a autora manifesta esta casuística do esquecemento e da memoria asociada á inocencia orixinaria. Así, por exemplo, podemos interpretar o seguinte pareado, no que o espazo primixenio actúa como reclamo da memoria do ser exiliado e expulsado da súa infancia, ó tempo que o baleiro é a resposta a dito anhelo das orixes: ?Cando a rosa arrecendía en min viña un ben contento. / Éme a rosa hoxe nostalxia. En min non vén nada dentro? (93). O mesmo proceso é o que recoñecemos xa no primeiro poema de Palabra no tempo: ?¡Inda vou a mesma meniña / aquela que fogueaba sin leito! / (?) / Caladiña eu chamaba / en berros que hoxe esquezo, / cando o navío de lonxe / o meu mar cheo atracaba. / (?) / cando aínda non sabía / que era para ela / o que aquela voz narraba. / (?) / eu quería quedar soia, / eu quería compañía, / ¡aquela que eu non sabía!? (6364); nel, o descoñecemento asociado á infancia e á inocencia é o que serve como detonante da aparición da voz do misterio; o esquecemento, pola súa banda, representado polos berros perdidos na lembranza, é absolutamente pleno. Tamén é, dende logo, un proceso no que se avanza á par da vida e na dobre dirección contraditoria do esquecemento e da incerta e futura recuperación da materia esquecida, que é o que se vén expresar no seguinte exemplo: ?Fan soio agora un camiño que me leva nun estrano. // Soio teño alboradas. As seráns vanme esquecendo. / Soio unha vou gardando. / Ergue nela o que non sei si vou ou espero cando? (133). Un exemplo
Nº 368 44