MANUEL MURGUÍA
161
coñecer a Baudelaire e a Whitman, el xa intentara o poema en prosa: ?Cuando yo escribí y publiqué mi primera composición de este género ?hace más de cuarenta años? nadie se preocupaba de semejantes cosas?25. Do mesmo xeito que, cando se estudie a recepción de Baudelaire na Península Ibérica, que sen dúbida implicará unha busca da modernidade literaria, haberán de estar atentos os intérpretes, ás ideas de Murguía sobre o gran poeta e sobre o poema en prosa. Este é un Murguía sorprendente, que sinala acertadamente unha das tendencias máis importantes da poesía moderna, que el exemplifica (con total acerto) en Baudelaire e Whitman. Con respecto ó primeiro debemos dicir que o único poeta peninsular explicitamente baudeleriano antes de que Murguía demostre tal coñecemento, fora o lisboeta Cesário Verde que morre en 1886; con respecto a Whitman as primeiras reivindicacións veñen dos modernistas americanos, sobre todo da man de José Martí ( o seu artigo é de 1887) e de Rubén Darío. Vexamos enteiro o parágrafo de Murguía, que haberá sorprender a máis dun lector, e que demostra, ademais, a importancia da crítica literaria do escritor:
En la dedicatoria de sus Petits poèmes en prose, escribía Baudelaire. ?¿Quién es el que entre nosostros no ha soñado en sus días de ambición con el milagro de una prosa poética, musical, sin ritmo y sin rima, bastante flexible y también bastante brusca, que se adapte a los movimientos líricos del alma, a las ondulaciones de los ensueños y a los sobresaltos de la conciencia??. Otro tanto pensó el norteamericano Walt Whitman, quien al emprender su obra poética, comprendió que el uso forzado del metro y de la rima, si no le estorbaba del todo, le impedía a veces la más clara, acusada y oportuna exposición del pensamiento, y así, rompiendo con lo establecido, se creó un nuevo ritmo, y compuso sus poemas, ora siguiendo el paso de los versículos hebreos, ora tomándose, respecto al verso, todas las libertades necesarias para el mejor desempeño de sus obras26.
Sobre isto di Murguía que estas tendencias constitúen un novo factor da obra poética, e que buscan un eido libre de cadeas. Murguía dá ademais no cravo cando se refire ós poetas que buscan a liberdade da prosa e ós prosistas (o modelo podía ser Flaubert) que buscan, gracias ás facilidades da prosa rítmica chegar ós límites da obra poética. Debemos, ademais, indicar que foi, xa no XVIII, d´Alembert quen dixo que os mellores versos son os que se achegan a unha boa prosa. É este un texto teórico, o de Murguía, ó que hai que volver pola súa importancia.