160
BOLETÍN DA REAL ACADEMIA GALEGA
Nesta mesma dirección encamíñanse as opinións que Murguía verte no prólogo da segunda edición de En las orillas del Sar24. Para el este libro supuña unha auténtica revolución formal no marco da poesía oficial do XIX, e por iso fora tan incomprendido. As innovacións métricas de Rosalía anticiparían a gran revolución do metro en castelán que veu da man dos modernistas de América. Desenvolvendo unha opinión semellante á de Díez Canedo e o seu artigo, ?Una Precursora?, que tamén se reproduce como un dos apéndices deste volume, Murguía di que Rosalía rompe victoriosamente os vellos moldes da métrica castelá. Ela sería unha das precursoras da modificación que, pouco despois, actuaría sobre a métrica castelá, con combinacións métricas inusuais. É tamén un artigo de reivindicación da poesía en castelán de Rosalía, na mesma liña que, con posterioridade, farían algúns dos mellores poetas do 27, por exemplo Luís Cernuda. Pero Murguía achéganos unha explicación convincente sobre as razóns polas cales Rosalía é unha gran virtuosa formal. Di que isto se debe a que era un temperamento por enteiro musical, é dicir, unha gran compositora: Rosalía tiña un oído de gran poeta, e o oído de todo gran poeta é fundamentalmente musical. Esta Rosalíamúsica que nos propón Murguía sitúaa nesa dirección da poesía moderna (simbolismomodernismo) que destaca os aspectos musicais da linguaxe poética. A de Rosalía era, sen embargo, música do corazón; música que en castelán non se oíra nunca. Era xa, sobre todo, unha poeta moderna, nunha definición sumamente fermosa, case machadiana, que nos dá: era unha poeta moderna porque era froito da dolor do seu tempo. Non queremos rematar este estudio sen facer unha mención ás ideas de Manuel Murguía sobre a súa propia creación poética, que sen dúbida serían merecedoras dun traballo máis extenso, debido á intervención que Murguía ten en dous trazos da modernidade poética no marco da poesía en castelán ou, se o preferimos, das literaturas peninsulares. Refírome a dous datos de sumo interese: a opinión que Murguía, por volta de 1895, nos vai transmitir sobre a poesía en prosa e, máis en concreto, sobre os Pequenos poemas en pro s a de Charles Baudelaire. Cremos que todo estudio en profundidade acerca da creación do poema en prosa en castelán (que adoita buscarse nas obras dos modernistas hispanoamericanos) debe prestar unha atención ó libro de Murguía En Pro s a (1895) e ó prólogo no que nos di que xa no 1855, había máis de corenta anos e antes de