MANUEL MURGUÍA
159
de poesía obxectiva como descritiva e a subxectiva como sentimental, e o predominio da segunda sobre a primeira, na poesía moderna, atopámola referida en Arte e antigüidade de Goethe. Unha vez referidos estes conceptos a Rosalía, a poesía obxectiva faríase visible como descrición do país, expresión de costumes e sentimentos da xente; a poesía subxectiva como poesía lírica ou elexíaca. Pero el mesmo xa nos advirte que incluso nas poesías máis persoais e intimistas puido vela crítica un xeito delicado e novo de contalas penas que aflixen a Galicia e á súa xente campesiña. En Los Pre c u r s o re s atopamos tamén noticias sobre a recepción pública da obra de Rosalía. Pero se hai un xuízo valorativo de Murguía de máximo interese, que non se contradí coa imaxe que el nos transmite dunha Rosalía sentimental, que fai do mundo da súa vida a principal canteira dos seus versos, é aquel no que destaca o gran virtuosismo compositivo e as capacidades formais, que semellaron esquecidas pola crítica durante tantos anos, reducindo a Rosalía a unha poeta espontánea e inspirada. Vexámolo enteiro, porque en poucas partes como aquí se revela o grande olfacto crítico de Murguía e o ben definidos que están aspectos importantísimos da obra da súa muller, que a levan a constituírse, ó noso xuízo, non só na nosa primeira gran poeta moderna, no senso en que vive as contradiccións da poesía moderna, senón na nosa primeira lexisladora formal.
La expresión es siempre exacta, poética, abundante; el movimiento natural; la forma pura, sin énfasis, simple y grandiosa en medio de una sencillez purísima. La versificación fluida; el metro rico y variado, caprichoso casi; la rima espontánea. Puede decirse que jamás poeta alguno en nuestra tierra poseyó, en más alto grado el poder de la forma. Es esta condición esencial en todas las obras marcadas con el sello poderoso de una personalidad poética. No hay nigún gran escritor que no posea la forma en más o menos grado, ni ningún poema famoso que carezca de ella23.
Velaquí, pois, a un Murguía que procede como un crítico de poesía autenticamente moderno, destacando, ademais un aspecto de suma importancia na obra da súa muller. Pensamos que, de leren a Murguía e a Rosalía con atención, ninguén pode dubidar cal é o poeta galego do XIX máis moderno, se atendemos ós aspectos formais.