MANUEL MURGUÍA
157
O capítulo dedicado a Rosalía de Castro en Los Pre c u r s o re s é, de todos, o que mellor define un xénero ensaístico que sintetizaría a escrita da memoria con xuízos críticos. Murguía transmítenos, en primeiro lugar, a imaxe ben coñecida, case tópica da sentimentalidade rosaliana: muller afogada polas tristezas, contratempos, angustias, e que vive unha vida de dolor. A dura biografía explicaría, xa que logo, a profunda melancolía que baña os seus versos. Na disquisición sobre o lugar do poeta, Murguía afonda no difícil que era para unha muller naqueles tempos ter unha presencia pública escapando do lugar que a sociedade lles tiña reservado. Sobre todo interésanos esa Rosalía que, ó entender do intérprete, non busca o éxito literario, e que se afasta del: ?El mismo cuidado que otros ponen en dejarse ver y conquistar un puesto en el mundo literario, puso ella siempre en escapar a sus vanos ruidos y peligrosas facilidades?18. Quizais aquí Manuel Murguía estea contemplándose a si mesmo no rostro da súa muller. Entre os datos de importancia que Murguía nos dá sobre a biografía literaria de Rosalía, é de destacala xénese do libro C a n t a re s gallegos, co que ela pretendía reflectilas paisaxes e a vida enteira da xente do noso país. Segundo o testemuño de Murguía é o poema ?Adiós ríos, adiós fontes? o que vai desencadealo resto dos Cantares; moitos deles escríbeos e dáos seguidamente á imprenta. Poesía popular, escrita na linguaxe do pobo, a partir dos cantares populares, indicados en bastardilla. Versos cadenciosos e fáciles, irmandados cunha dicción propia e sen afectación nin pretensión algunha. Isto é o que dirá anos despois Enrique Díez Canedo para indicala profunda modernidade da obra de Rosalía: mentres outros escribían dun xeito enfático e declamatorio (case toda a poesía oficial do XIX), Rosalía escribía como falaba. Esta, que é unha das liñas da mellor poesía moderna, xa está definida dun xeito explícito e consciente na dicción de Rosalía. Murguía inclúe a súa muller dentro dunha familia de grandes poetas europeos, lembremos que o comparatismo forma parte das súas estratexias de análise, entre eles Leopardi ou o mesmo Mistral. Pero, por enriba de todos relaciónaa co poeta escocés Robert Burns e co alemán, exiliado en Francia, que é unha constante referencia para Murguía, Heinrich Heine; precisamente é cunha cita deste coa que abre a semblanza de Rosalía de Castro, evidenciando a con