Estudos e investigacións sobre Manuel Lugrís Freire
BOLETÍN DA REAL ACADEMIA GALEGA
sentar en Galiza. De todas as formas, a experiencia serviu para que Galo Salinas fose o máis coñecido dos dramaturgos galegos e a súa obra a máis representada do século XIX. Tamén valeu para que algúns comprendesen que non só había que crear unha literatura dramática, senón tamén os grupos que a levasen a escena. En 1891, os Xogos Florais de Tui incluíron un premio para unha comedia e resultou gañador Urbano González Varela con Amor e meiguería. A obra nunca foi publicada nin representada, polo que non sabemos absolutamente nada da primeira comedia do teatro rexionalista do interior. O que si sabemos é que non foi o único texto presentado ao Certame, xa que coñecemos o título doutra, Loitas d'a yalma. En 1892 volve gañar Galo Salinas o único Certame dese ano que contemplaba o teatro, o de Pontevedra, co drama ¡Filla...!, que o seu autor publicou inmediatamente. A peza levaba o subtítulo de Coadro dramático de costumes gallegas, nun auto yen verso, e estamos de novo perante un drama sentimental. Para acabarmos coa relación de textos do teatro rexionalista, debemos dicir que Juan Cuveiro Piñol deu á imprenta, en 1897, o seu drama histórico nun acto, Pedro Madruga. O primeiro escrito teórico sobre teatro, a Memoria acerca del teatro gallego. Causas de su poco desarrollo e influencia que en el mismo puede ejercer el regionalismo, de Galo Salinas, foi publicado en 1896. O máis interesante deste documento é a análise que ofrece sobre as causas do escaso desenvolvemento do teatro, porque as súas afirmacións estabeleceron unhas premisas que foron abondosamente repetidas durante a primeira metade do século XX. Salinas consideraba que a ?absoluta carencia de actores? era o atranco fundamental para o desenvolvemento do teatro galego, e como segunda causa contemplaba o pouco que se falaba o galego entre ?nós?. É curiosísimo observar cómo estas dúas afirmacións foron admitidas sen a máis mínima crítica, pois ninguén cuestionou esa ?carencia de actores?, a pesar de que todas as sociedades recreativas, comezando polo Liceo Brigantino, contaban cun cadro de declamación. Haber non habería actores dispostos a interpretaren obras galegas, mais o que sobraron sempre foron actores amadores. O caso é que até 1936 teremos que escoitar como un dos argumentos máis fortes contra o teatro galego a falta de actores, e mesmo se chegará a atribuír a características xenéticas da ?raza? a falta de espírito histriónico. Na segunda das causas ofrecidas por Salinas ?o escaso cultivo da lingua entre as clases urbanas? radicaba o problema fundamental, xa que os actores eran unicamente o espello dunha sociedade colonizada que se avergoñaba da súa lingua e da súa cultura. Como anunciaba no longo título do traballo, Salinas consideraba que o rexionalismo podía corrixir estas deficiencias a través dun mecenas, dun empresario xeneroso, rexionalista e amante do país, que investise o seu diñeiro nunha compañía de teatro galego. Esta compañía percorrería Galiza representando o noso teatro, servindo de exemplo e, á vez, de escola de actores. Asemade, a súa existencia garantiría que os dramaturgos redixisen máis textos. Por último, cerraba a obra solicitando información sobre as pezas e autores que el puidese des109 Nº 367