BOLETÍN DA REAL ACADEMIA GALEGA
Estudos e investigacións sobre Manuel Lugrís Freire
próxima lectura da peciña da súa autoría A costureira d'aldea. Así como durante a súa vida en Sada, co traballo no concello de Oleiros, non lle resultaría doado desprazarse á Coruña para asistir a algunha das escasísimas representacións que se fixeron da obra de Francisco M.ª de la Iglesia, resulta case imposíbel crer que non a lese cando na Habana entrou en contacto cos círculos intelectuais rexionalistas da illa. De todos os xeitos, aínda que seguiu o modelo na utilización do verso, a peza de Lugrís tiña carácter cómico e introducía elementos reivindicativos (ausentes na peza de Francisco M.ª de la Iglesia), mais como non foi publicada e permaneceu inédita até o presente ano, 2006, a súa influencia, se a houbo, ficaría limitada á obra doutro emigrado, a de Ramón Armada Teixeiro. Aquí, na Galiza interior, a pesar do meritorio esforzo de Francisco M.ª de la Iglesia, o seu chamamento tivo pouco eco entre os cadros de declamación, e sen actores dispostos a estrear as obras, os posíbeis dramaturgos ficaron limitados a escribiren para os Certames literarios e para os Xogos Florais. Eventos que non sempre contemplaban premios para textos dramáticos e, como exemplos disto, podemos citar o Certame de Vigo de 1883, o Certame da Coruña de 1884, o de Ourense en 1887 ou o de Pontevedra de 1888. Nin sequera nos Estatutos pr'o bon reximen d'os Xogos Floraes ditados polos rexionalistas en 1891 se contemplaba o teatro e, de feito, aínda que nos celebrados ese ano en Tui houbo un premio para a literatura dramática, nos do ano seguinte non figurou o teatro. A dependencia dos Certames tamén limitou os dramaturgos no sentido de que eran os promotores desas xustas literarias quen decidía a extensión e o xénero das pezas. A pesar de todos estes condicionantes, sempre que houbo un premio para textos dramáticos, houbo algún dramaturgo disposto a gañalo, e así foron aparecendo os seguidores de Francisco M.ª de la Iglesia. En 1884, gañaba o Certame de Pontevedra Emilio Álvarez Giménez co drama histórico Unha revolta popular, máis coñecido polo título de Mari Castaña. No Certame convocado pola revista O Galiciano de Pontevedra, en 1886, premiaron a obra A horfa de San Lourenzo, drama nun auto yen verso, de Roxelio Civeira, e Manuel Amor Meilán recibiu un accésit polo drama histórico Men Rodríguez Tenorio. En 1890 Galo Salinas gañou con A torre de Peito Burdelo, drama histórico nun acto, o certame literario convocado polo Liceo Brigantino da Coruña. A peza publicouse en 1891, na mesma cidade, e en febreiro dese mesmo ano, segundo informou o semanario El Cabo Ortegal, foi estreada en Betanzos por unha compañía profesional de zarzuela, que tamén a levou a Pontedeume. Euxenio Carré deixou rexistrado na súa Memoria críticobibliográfica que a obra foi representada en ?varias ciudades gallegas?. Esta iniciativa de Galo Salinas é única na historia do teatro galego en Galiza, xa que non temos noticia de que nin sequera el mesmo repetise a experiencia. Probabelmente non fose rendíbel nin para a compañía nin para o autor, xa que este tipo de grupos percorría o Estado, e non lles podía interesar incluír no repertorio unha peza que unicamente podían repreNº 367 108