BOLETÍN DA REAL ACADEMIA GALEGA
Estudos e investigacións sobre Xosé María Álvarez Blázquez
Dentro do apartado ?Outros?, quero facer mención especial á muller coleccionista en Tui, que accede á miña tenda con asiduidade para adquirir obxectos varios, tendo que salientar aquelas que buscan pezas, abelorios e alfaias de acibeche (galegos e asturianos) para confeccionar os traxes rexionais. En Tui pasan dos trescentos traxes típicos, todos eles dunha vistosidade e riqueza indiscutibles. Como remate da miña intervención, gustaríame implicar o Concello e a todos os amadores e entusiastas desta fermosa afección, para levar adiante ese proxecto do tan necesario Museo, que posibilitaría reunir os vestixios da historia da nosa cidade, aínda que chegaría con bastante atraso, pois, no momento presente, a maioría das pezas de interese atópanse espalladas por outros Museos e mais en coleccións privadas. De todos os modos, temos que seguir adiante co proxecto no que confiamos con esperanzado entusiasmo. Unha vez máis, o meu agradecemento por contar comigo para este entrañable acto de honra a tan excelso Polígrafo como foi o noso tudense, homenaxeado como persoeiro das Letras Galegas 2008. Grazas por convidarme a este Congreso. En Tui, no mes de decembro de 2008
Nº 369
148