BOLETÍN DA REAL ACADEMIA GALEGA
Estudos e investigacións sobre Xosé María Álvarez Blázquez
aspecto da evolución da nosa terra, achegue coñecemento e luz sobre a cultura e sociedade autóctonas, sobre todo no referente ao eido do periodismo: selos, medallas, revistas, documentos, xornais?, todo lle servía para enriquecer os seus, cada vez máis amplos, coñecementos, que publicaba con profusión, e tamén para confeccionar as súas pequenas coleccións particulares. Unha das máis importantes foi a de cantos rodados lascados, dos que chega a facer unha gran recollida, para estudar o Paleolítico en Galicia, da man do seu amigo Don Fermín Bouza Brey. Hoxe en día, os seus libros tan interesantes, eu diría imprescindibles, están esgotados en todas as librerías ?de vello?. En xeral, e desde a miña propia experiencia de anticuario, podo dicir que os libros antigos de escritores galegos son moi buscados e moi valorados. En canto aparece algún exemplar, aínda con formato de folleto, sempre ten solicitantes aínda que o seu prezo adoita ser elevado. Posiblemente o traballo e divulgación que leva feito neste sentido A Real Academia Galega, creou, ou acrecentou esta adicción ao coñecemento e coleccionismo neste sentido. O mesmo se pode dicir da Medallística, na que Galicia é tan prolífica dada a gran cantidade de medallas que se crean para perpetuar os acontecementos relevantes na súa historia. Precisamente estes días conseguín para a miña propia colección as que celebran a batalla de Ponte Sampaio que amosan a ponte partida por unha cara e a efixie do heroe pola outra, para min constituíu unha gran satisfacción facerme con elas. Hai pouco, tamén conseguín adquirir a única medalla que se coñece no mercado conmemorativa dos Primeiros Xogos Florais celebrados en Tui. Foi adquirida deseguida pola Real Academia Galega para o seu Museo e estudo. Enumerarei aquí outras medallas dignas de mención, como son: a conmemorativa da Reconquista de Vigo, a de ValleInclán, de Cristóbal Colón, a de Xosé Elduaien, Méndez Núñez, e a que coñezo de 1810 (VigoTui) dedicada ás forzas que participaron nos combates co lema ?La Patria agradecida?. Existen outras moitas medallas que conmemoran certames de Música, Arte, Cámaras de Comercio?, e iso soamente na provincia de Pontevedra. En Tui houbo e hai grandes coleccións e coleccionistas. Citarei en primeiro lugar a Xosé María, a Blanco Cicerón, José González García, Emilio Herranz e outros moitos que non vou enumerar aquí, pero que veñen habitualmente ao comercio para engrosar as súas coleccións. Dentro dos obxectos que son máis solicitados direi: libros, postais, documentos históricos (estes últimos escasean). Os demais, repártense entre coleccións de radios, pranchas, muíños de café, cámaras de fotos, apeiros de labranza, e outros. Por último, citarei os selos, as moedas e as revistas.
Nº 369 146