MANUEL MURGUÍA
187
tan repetido despois, no que fai unha chamada xeral ós homes ilustres de Galicia (no que xa inclúe os máis novos, como Vicetto, Pondal, Murguía ou Chao), para a defensa de Galicia e da súa lingua, e no que escribe:
Todo aquel que prefira lengua allea à de seus pais, seralle arrincada a sua da boca para jamais.
III. A CONTRIBUCIÓN DE MURGUÍA. A CREACIÓN DA IDEOLOXÍA DA LINGUA Desde comezos de século polo mundo intelectual europeo esténdese as ideas Herder, Fichte e, en especial, de Schlegel. A España chegan a través de traduccións e revistas francesas, obras e autores que Murguía cita en ocasións, como Regnaut, Odissée Barrot, Proudhon e outros. En 1814 fundouse en París a primeira cátedra de sánscrito para Silvestre de Sacy, e desde aquela, esta cidade converteuse no centro das actividades de investigacións sobre as linguas preindoeuropeas e indias. Por alí pasaron Bopp, Schlegel, Miller, Eckstein e outros. Schlegel publicara Über die Sprache und Seisssheit der Indier en 1808, libro moi logo traducido ó francés e de aí, divulgado en España a partir dos anos corenta do século pasado. Schlegel establece un íntimo parentesco étnico, lingüístico e espiritual entre a India e Alemaña debido ó seu común pasado ario. Neses primeiros anos do século cando o patriotismo alemán descobre o panxermanismo (Fichte), Schlegel afirma que Europa debe todo ás invasións bárbaras (xermánicas) minorizando e ata desprezando a base e os pobos latinos. O primitivo, e o máis primitivo é o ario ou o hindú, é o que nos pode dar respostas ós problemas do desenvolvemento do espírito humano, ós problemas da mitoloxía, da relixión e da lingua. O primitivo, aquilo que define a lei escura, como o sangue, a etnia, a relixión ou a lingua primitiva, e o que funda os pobos e lles dá carácter. É o xa vello concepto de ?xenio popular ou nacional?, redefinido como Volksgeist ou espírito do pobo ou nación. Xa estaba este concepto en Kant, pero só se aplicaba á literatura e ás artes. Desde agora aplicarase tamén ó político, e intentarase fundalo concepto de nación sobre o sangue, a raza ou a lingua, sendo esta última síntoma dos demais. Onde hai lingua, hai nación, e como dirá máis tarde Murguía m i e n t r a s d u ren las razas que pueblan el continente europeo, persistirán los dialectos que éstas hablan.