MANUEL MURGUÍA
113
Estado veñen tamén as grandes miserias políticas: ?El caciquismo! he aquí el enemigo, el verdadero hijo de la centralización que privándonos de nuestras antiguas libertades no nos permite gozar de las nuevas!? En consecuencia, aínda que evidentemente aspira a acabar co atraso e a miseria ?vía a transformación económica do campo e da cidade?, a reducila emigración e a regaleguizalo país en tódolos ámbitos, está convencido de que non será posible avanzar apreciablemente cara a eses obxectivos se previamente non se resolve o problema político. Isto é, sen a depuración radical do sistema político e sen a erradicación do centralismo. Instauración dunha verdadeira democracia representativa, rexionalización do sistema de partidos e consecución da autonomía política para Galicia son, xa que logo, as tres caras dunha mesma e gran solución da que derivarán necesariamente tódalas demais. Para a primeira, a receita é común coa das outras tendencias democráticas (limpeza electoral, eliminación do caciquismo e dos deputados cuneros, reforma ou supresión das Deputacións Provinciais, etc), coa salvidade, xa mencionada, do accidentalismo rexionalista no que atinxe á forma do réxime político español. Verbo da terceira, a máis importante, o rexionalismo liberal, ó contrario có tradicionalista e o federalista, non ten un auténtico proxecto alternativo de Estado. Limítase a enuncialos criterios básicos da súa reforma e da conseguinte autonomía política que procura, entre os que salienta a existencia dunha capacidade lexislativa propia. Unha vez máis, Murguía expresa mellor ca ninguén as arelas desta tendencia (1892a):
que en lo nuestro, solo nosotros hayamos de poner la mano; que lo nuestro predomine en las cosas del país y las legimite; que los que hayan de representarnos en el Parlamento sean nacidos en Galicia; que todo el que ejerza en Galicia cargo alguno y en especial las primeras funciones públicas, lo mismo en el orden civil que en el religioso, sea hijo del país; en fin, que nuestra libertad provincial sea una verdad, y que no nos envíen de Madrid hechas las leyes y los que han de aplicarlas, sino que aquí las elaboremos atendiendo á nuestra tradición, a nuestro sentimiento nacional, á nuestras necesidades.
Naturalmente, o instrumento idóneo para chegar a esa meta é o rexionalismo. Un rexionalismo entendido como movemento aglutinador de tódolos galegos de boa fe e, xa que logo, superador das divisións de partido e credo