MANUEL MURGUÍA
111
de deixalo problema resolto, a súa postura énchese de ambigüidades e cautelas que, por certo, pervivirán longo tempo no galeguismo. Para empezar, sácalle ferro ó asunto: estima que a Pragmática de 1763 resolvera a medias o problema agrario e di que o preito foral, que fora no século XVIII ?nuestra cuestión social?, agora ?ha perdido toda su gravedad, por más que conserve todavía su antigua importancia? (pp. 912). E logo dunhas enigmáticas consideracións sobre o prezo da terra en Galicia, a enorme absorción de capital que implicarían as redencións, etc., conclúe: ?Así, pues, nosotros no tememos aconsejar la conservación del foro y pedir que se organice debidamente?. Apoia as tímidas reformas aconselladas por Viñas á Sociedade Económica de Amigos del País de Santiago e láva as mans coma Pilatos pedíndolles ás partes enfrontadas ?una buena voluntad y un espíritu de concordia en lo que se necesite?. Non obstante, todos coinciden en denunciala penosa condición dos labregos que, case como servos medievais, ?viven y mueren esclavos de todos y de todo: de la ley, del impuesto, de la renta, del capricho de los que pesan sobre ellos? (M. MURGUÍA, 1889a, p. 6), e son víctimas do caciquismo, da usura, do Estado e do atraso xeral do país. Unha das consecuencias da miseria campesiña é a emigración que, porén, é valorada dun modo ambivalente pois se ben se considera unha traxedia social e humana, non deixa de presentar para os rexionalistas, como antes para parte dos provincialistas, algúns aspectos positivos, pois gracias a esta válvula de escape moitos galegos podían achar fóra o que se lles negaba na súa terra: liberdade, traballo e educación. Pero esta preeminencia do mundo rural nas análises do rexionalismo liberal non conduce, como ocorrerá en cambio coa tendencia tradicionalista, a un rexeitamento da cidade e da industria moderna en canto fenómenos intrinsecamente prexudiciais para as esencias da galeguidade nin, por conseguinte, desembocará nun intento de solucionalos problemas mediante a reafirmación da ruralidade ?natural? de Galicia, nun retorno utópico a un mítico pasado de harmónica convivencia entre propietarios e traballadores precapitalistas. Moi ó contrario, o rexionalismo liberal relaciona eses problemas agrarios coa pouquidade do capitalismo e da urbanización de Galicia. Por iso Murguía, facéndose eco de Faraldo, lamenta que ?no tenemos una sola ciudad populosa, porque todo elemento de riqueza se escatimó a nuestras poblaciones