BOLETÍN DA REAL ACADEMIA GALEGA
Estudos e investigacións sobre Manuel Lugrís Freire
ña, circunstancia que Lugrís aproveitou para publicar dous textos32, máis próximos ao artigo de opinión que ao relato, referidos, respectivamente, ao contacto que tivera co poeta de Celanova e ás reaccións que suscita a súa morte. Malia a publicar todos estes textos co pseudónimo de Asieumedre, Lugrís era consciente de que non todos se podían considerar narrativos. Así, dúas breves pezas teatrais de carácter humorístico, ?Ir por lan?33 e ?La ofrenda??34, non figura co antetítulo ?A carón do lar? nin tampouco coa ilustración identificadora de tales contos. Coa publicación dun breve texto titulado ?Lóxica?35, o noso autor poñíalle o ramo á súa participación nas páxinas do semanario coruñés, do que só estivera ausente nas entregas 3336, 45 e 48, estas dúas últimas cando xa A Nosa Terra iniciara unha etapa final de afastamento dos textos escritos na nosa lingua. Finalmente, a publicación referida cesaba a súa actividade o 27 de outubro de 1908, data na que saíu á rúa o número 60 desta primeira etapa d'A Nosa Terra. Comentaremos, a seguir, aqueles aspectos paratextuais máis relevantes dos textos publicados n'A Nosa Terra. Así, hai un grupiño de relatos que se publicaron nas páxinas doutros xornais de aquén e alén mar. Entre eles cómpre destacar a publicación Mondoñedo que acolleu durante o 1908 estes relatos: ?O primeiro sangue?, ?A libertade. O lobo e mailo can?, ?¡Boa proteición! O raposo e mailas galiñas?, ?O xiro do sancristán?, ?O aforrón?, ?Entre compañeiros?, ?¡Bótalle terra!?, ?Boa resposta? e ?O francés?. Menos numeroso é o grupo de textos que se publica no habaneiro Follas Novas, periódico regional, xa que só aparecen nas súas páxinas ?Os lobos?, que tamén coñeceu unha reprodución na revista Galicia e a breve peza teatral ?Ir por lan?. E anecdótica podemos considerar a presenza de ?A nogueira? nas páxinas de El Eco de Puente Caldelas no 1913, nunha sección titulada ?Cuentos de la Tierra? coa sinatura do ortónimo, así como a reprodución de ?Entre compañeiros? en Aires da miña terra, no 1909. As reproducións deste ou daquel relato dannos idea das preferencias persoais do autor e/ou dos responsábeis da publicación que, dependendo dos casos, gozaban de liberdade á hora de escoller o relato. Ampla é a nómina de persoas que merecen a dedicatoria dalgún conto por parte de Lugrís, boa proba da amizade ou da relación persoal que os unía ao autor de Sada. Deste xeito, atopamos dende familiares, como é o caso do seu irmán Plácido ao que lle dedica ?A espada do fidalgo?, até destacados membros da colectividade galega en Cuba, como eran os que seguen: Bolaño Noguerol, que recibe a dedicatoria de ?O aforrón? e de ?¡Protestante!?; Nan de Allariz, ao que lle dedica ?¡A xusticia!? unicamente nas edicións en prensa, suprimindo a dedicatoria nos libros; Manuel Salgado, que merece a dedicatoria de ?¡Protestante!? unicamente no volume dos Contos de Asieumedre; José Posse, que recibe a dedicatoria de ?Tiña razón!?; ou Ángel Barros, ao que dedica ?Unha regueifa?. Tampouco esquece a aquelas persoas que, xa en Galiza, son compañeiros de proxecto político en Solidaridad Gallega, como é o caso de Rodrigo Sanz, ao que dedica ?AxúNº 367 44