Estudos e investigacións sobre Manuel Lugrís Freire
BOLETÍN DA REAL ACADEMIA GALEGA
A ECLOSIÓN NARRATIVA (19071909) No ano 1907 Lugrís involucrouse de cheo no seu segundo proxecto político de relevancia: a organización agraria Solidaridad Gallega. Vivida xa a experiencia da Liga Gallega, pensaban os ?solidarios?, Lugrís entre eles, que era obxectivo prioritario deste proxecto facer chegar a mensaxe política anticaciquil, antiforal e anticentralista á gran masa de poboación labrega que, naquela altura, era maioritariamente analfabeta. Despois de comprobar que o teatro adoutrinador da Escola Rexional de Declamación fracasara, era moi necesario dotarse dunha ferramenta que, coa aparencia de xornal que alguén alfabetizado puidese lerlles a un grupo de persoas, fose un instrumento de concienciación política a favor do agrarismo. Deste xeito naceu A Nosa Terra o 4 de agosto de 1907 como voceiro de Solidaridad Gallega, e deixou de publicarse o 27 de outubro de 1908. Dende a aparición deste semanario, Lugrís colaborou arreo con textos de todo tipo, pero para este estudo interésannos especialmente os narrativos. Os dous primeiros relatos figuran co antetítulo ?A carón do lar?, en clara alusión a ese espazo privilexiado de conversa familiar e, ás veces, tamén de xuntanza veciñal, que sería o escenario ideal no que se transmitirían de xeración en xeración os contos que Lugrís recollía nesta sección. Os catro relatos seguintes figuran sen ese antetítulo, e a partir da sétima entrega incorpórase un debuxo que representa unha estampa popular na que se vía a persoas de diversas idades ao redor do lar. Esa incorporación da ilustración característica coincidiu coa publicación do conto ?Homero?30. Aínda que se mantén esa cabeceira fixa, ?A carón do lar?, e esa ilustración permanente, o relato de Lugrís non tiña un espazo fixo nas páxinas d' A Nosa Terra, xa que a súa situación variaba entre as páxinas 4 e 7, e mesmo podía ir cortado en máis dunha páxina. No número 11 d'A Nosa Terra, o relato de Asieumedre, que xa comezaba a ser habitual, foi substituído polo histórico mitin de Betanzos no que Lugrís se converteu no primeiro orador en empregar a lingua galega nun acto político. Resulta curioso o anuncio deste cambio nas páxinas do xornal polo que ten de especificidade de uso do pseudónimo para a creación literaria e do ortónimo para a vida política, que di o seguinte:
Hoxe deixamos de publicalo conto do noso compañeiro Asieumedre, e no seu canto reproducimos o discurso que o noso amigo don Manuel Lugrís pronunciou o día 6 deste mes no mitin solidario de Betanzos
A partir da data de publicación do discurso a presenza dos relatos de Asieumedre nas páxinas d'A Nosa Terra foi constante durante o 1907 e nos primeiros meses do 1908, mesmo chegando a publicarse dous relatos no número 2831, titulados, respectivamente, ?O segredo? e ?Tiña razón?. Noutros casos, o texto de Lugrís adaptábase perfectamente ao contido do semanario coruñés, cando este decidía tratar un tema monográfico, como aconteceu durante as semanas nas que A Nosa Terra tivo como centro de interese a figura de Manuel Curros Enríquez con motivo do traslado dos seus restos á cidade da Coru43 Nº 367