BOLETÍN DA REAL ACADEMIA GALEGA
Estudos e investigacións sobre Manuel Lugrís Freire
ca que agrupou o rexionalismo para acadar representación política e na que Lugrís militaba e fora un dos seus fundadores. O texto coñeceu unha reprodución en El Eco de Galicia25 da Habana e no xornal homónimo de Bos Aires no 1898. En todas estas reproducións figura asinado polo ortónimo e dedicado a Eduardo Pondal. Haberá que agardar ao ano 1907 para ver o conto publicado n'A Nosa Terra26asinado por Asieumedre e dedicado por primeira vez a Santiago Casares Quiroga. Incorpórase, deste xeito, o relato ao grupo dos ?Contos de Asieumedre? que se publican baixo o antetítulo ?A carón do lar?, como comentaremos no seu momento. Esta mudanza na dedicatoria ten a súa explicación no feito de que as primeiras versións saíron á rúa nun momento no que a ligazón entre Lugrís e Pondal era moi forte grazas á Cova Céltica27, e seguiuno sendo, xa que o escritor de Sada sempre demostrou unha querenza especial polo bardo, tanto no plano literario, ao sumarse ao ?carro? do celtismo con numerosos poemas, como no plano persoal, ao asistir a Pondal no seu leito de morte e ser un dos promotores de diversos actos de homenaxe. O que acontece é que xusto no momento de aparecer A Nosa Terra, Lugrís estaba implicado de cheo no movemento agrarista a través do sindicato Solidaridad Gallega, e sentía unha especial querenza pola figura de Santiago Casares Quiroga, nomeadamente pola ideoloxía republicana deste político e pola afinidade que había entre ambos ao compartir a loxa masónica ?Suevia? da Coruña. ?Pola Patria. Episodio da Guerra da Independencia en Galicia?. Foi publicado na Revista Gallega28 e en El Eco de Galicia29 de Bos Aires, nun momento no que Lugrís entrara a formar parte da Liga Gallega, sendo unha das cabezas visíbeis e a devandita revista, que estaba dirixida por Galo Salinas, autoproclamábase voceiro da Liga rexionalista.O texto está asinado por Roque das Mariñas, un pseudónimo que o noso autor empregara profusamente durante a súa etapa á fronte d'A Gaita Gallega, pero que tivera escasa presenza literaria. ?Pola Patria?? figura estruturado polo autor en tres partes, de extensión ben desigual, marcadas con números romanos. Nos dous medios nos que se publicou, incluíu unha nota do autor a pé de páxina na que indicaba o seguinte: ?Este feito, con lixeiras variantes, é certo?, que podemos interpretar como un recurso de verosimilitude, aínda que neste caso constatamos que o personaxe principal, o alcalde de Sada D. Rafael Colmelo Freire de Andrade, existiu na realidade e ocupaba ese cargo no tempo da invasión das tropas napoleónicas. Como características desta primeira etapa narrativa de Lugrís Freire debemos destacar a diversidade temática (drama romántico, relato histórico, conto humorístico, relato crítico e satírico), de pseudónimos (L.U.Gris, K. Ñoto, Roque das Mariñas) e de medios escritos nos que publica os seus textos narrativos (A Gaita Gallega, El Eco de Galicia, Galicia Moderna, Revista Gallega, O Galiciano). Outra característica, que comprobaremos no sucesivo, é que o autor de Sada parece renegar desa primeira etapa xa que o único texto que recupera para compilacións posteriores dos seus contos en libro é o titulado ?O vimbio e mailo pino?
Nº 367 42