Traballos e investigación sobre outros temas
BOLETÍN DA REAL ACADEMIA GALEGA
unidade?. E engadía, respecto da fronteira de Portugal: ?Non se pode creer que o río Miño, vello pai de Galiza ?representado na franxa azul da nosa bandeira?siga sendo un lindeiro perdurable de dous estados?. En 1989 comezou en Galicia a analizarse a problemática sociolingüística das comarcas estremeiras en xornadas e congresos organizados por asociacións culturais, á vez que o Consello da Cultura Galega tivo en conta esa situación en ponencias de simposios antropolóxicos a comezos dos anos 90 con sesións na Galicia oriental, no Bierzo e nas Portelas24. Organizados pola Mesa pola Normalización Lingüística celebráronse en Santiago en novembro de 1989 os Encontros do galego exterior. O galego causa común, que foi a primeira vez que se atendeu de xeito global esa problemática con participación, entre outros, de diversos colectivos procedentes da Terra EoNavia, do Bierzo e das Portelas. En decembro do mesmo ano celebrouse en Celanova o I Congreso da Lingua e a Cultura Galegas en Asturias, León e Zamora organizado polo Clube Cultural ?Adiante? e a XCTGING. Neste Congreso aprobouse un ?Manifesto das comunidades de lingua e cultura galegas exteriores á Galicia oficial?, que constitúe o primeiro documento no que se reivindicaba a plena normalización da lingua e da toponimia das comarcas estremeiras con Galicia. En xullo de 1990 celebrouse no Cebreiro, A Proba de Navia e Vilafranca do Bierzo o Simposio de Antropoloxía ?Nos lindeiros da galeguidade I?, organizado polo Consello da Cultura, coa finalidade de ?conseguir unha máis racional percepción das semellanzas, diverxencias e peculiaridades nas xentes que moran alí onde remata o límite imposto pola realidade administrativopolítica?. No relativo á problemática sociolingüística neste simposio presentouse un avance do informe Rubal (1992), arriba comentado, á vez que se discutiu unha proposta de mínimos para a introducción da lingua e da literatura galega no ensino nun momento en que o Ministerio de Educación e Ciencia tiña tódalas competencias nesas comarcas. En xullo de 1991 o Consello da Cultura organizou en Verín, Chaves (TrásosMontes) e Lubián (Zamora) o Simposio de Antropoloxía. Nos lindeiros da galeguidade II (semellanzas, diverxencias, peculiaridades) con diversas ponencias sobre aspectos da zona centrooriental do galego25. 7. Iniciativas institucionais Na década dos 90 o máis salientable foi a proposta do Consello da Cultura Galega ó Ministerio de Educación e Ciencia para a introducción da lingua e a literatura galega no occidente de Asturias, León e Zamora, á vez que a Xunta de Galicia apoiaba a impartición de cursos de diferentes niveis de galego para ensinantes do Bierzo. A comezos do séc. XXI o salientable é a declaración de cooficialidade realizada no concello berciano da Veiga de Valcarce (e no de Lubián nas Portelas) e o acordo entre
339 Nº 363