BOLETÍN DA REAL ACADEMIA GALEGA
Traballos e investigación sobre outros temas
lente contribución lingüística e etnográfica para o estudioso do galego do Bierzo. Poncelas é autor das Estorias e contos dos Ancares. Historias y cuentos de los Ancares (bilingüe), editada en 1987 polo Grupo Cultural ?Carocos?21; de Contos da neve (publicados en Babarro 1992: 5362) e de O mestre púxose louco (1995), unha especie de memorias da infancia, cun léxico berciano riquísimo, que lembra a obra do eonaviego Jesús Álvarez Valdés As costumbres foron deste xeito (1992). Alicia Fonteboa, publicou en 1992 Literatura de tradición oral en el Bierzo, un amplo corpus folclórico con adiviñas, cántigas, contos, ditos e refráns, romances... recollidos en 36 lugares bercianos de fala galega, leonesa e castelá. Fonteboa forma parte do equipo do Atlas Lingüístico de El Bierzo (ALBI) dirixido por Manuel Gutiérrez Tuñón, do que se apareceu o vol. 1 en 1996. Este atlas realízase no IEO (Instituto de Estudios Bercianos), institución cultural que hai anos promovía un bercianismo monolingüe e rancio, pero que nos anos 90 se transformou á calor das reivindicacións de colectivos como a Mesa do Bierzo ou a ?Escola de Gaitas? (Silverio 2002: 9). En 1989 comezou a traballar no proxecto do ALBI e cando se presentou (outubro de 1996) o IEO organizou en Ponferrada o Simposio Jornadas sobre lenguas en la frontera. Xornadas sobre linguas na fronteira para facer unha valoración da fala do Bierzo e asemade poñela en contacto con realidades ibéricas semellantes, analizando as súas traxectorias e situacións actuais para chegar a unha previsión de futuro22.
6.2. Galicia Para os rexionalistas de finais do séc. XIX e para os galeguistas e nacionalistas do primeiro tercio do séc. XX era incuestionable a galeguidade lingüística e cultural das comarcas estremeiras con Galicia23. Os estatutos dos Xogos Florais de Tui de 1891 establecían que ?todolos traballos han de ser rigurosamente inéditos yescritos en gallego antigo ou moderno, berciano ou dialecto d'o país asturiano comprendido entre o Eo e o Navia?. Os sete mantedores do Consistorio dos Xogos de Tui, con Manuel Murguía como presidente, Salvador Cabeza de León como secretario e Augusto G. Besada e Alfredo Brañas, entre outros vocais, invitaban ?ós discretos trovadores e honorabres escritores de Galicia, d'o Bierzo e d'as outras vellas comarcas onde se fala ou é conecida a nosa lingua? a enviaren as súas composicións na procura da frol natural, da póla de carballo con landras d'ouro ou da violeta de prata e ouro. No Estatuto de Autonomía de 1936, como xa se indicou, establecíase a posibilidade de agregar a Galicia territorios limítrofes de características históricas, culturais, económicas e xeográficas análogas. Por outra parte, no Sempre en Galiza (1944) Castelao dicía verbo do territorio da nación galega que ?é doado esperar que o Bierzo e demáis comarcas limítrofes de Ourense e Lugo, se incorporen ao seo da súa nación natural, e que o tempo ?gran curandeiro dos erros hestóricos?posibilite a reconstrucción total da nosa
Nº 363 338