Traballos de investigación e estudo
BOLETÍN DA REAL ACADEMIA GALEGA
Grafamos con maiúscula «Sarmento» nas dúas ocorrencias, a pesar de que subxace un xogo de palabras entre o significado do substantivo común e o nome de familia; advírtase que cando é inequivocamente apelido emprega «Sarmiento», e así o desenvolvemos en caso de abreviatura. Os seus textos non están exentos de artificios retóricos, entre os que domina, coma noutros correspondentes, a elipse, que chega a afectar a palabras da mesma familia e distinta clase: «Se podese, vosa mercé o rremedie todo, pois o [remedio] á de ser meu» (Achas2). 10. RODRIGO DE MOSCOSO E SANDOVAL 1. O motivo da carta de Rodrigo de Moscoso e Sandoval, deán de Santiago, é comunicar a don Diego Sarmiento de Acuña que, seguindo a súa petición, favoreceu a causa de Antonio Núñez, procesado pola Inquisición, e que o resultado foi a liberdade sen sospeita do reo52. Sobre este proceso inquisitorial contamos con noticias dispersas no epistolario do conde de Gondomar. A Juana Sarmiento de Acuña, filla de don Diego, debemos a primeira información sobre este caso por carta escrita desde Ferreira o 12 de xullo de 1619:
A Antonio Nuñez le a susedido la mayor desgrasia que se puede imajinar en siendo que la mayor causa es aberle tenido enbidia de berle medrar i sus enemigos le caluniaron... de manera que le prendieron y está en Santiago [RB II/2148, 70].
Un mes despois, o 14 de setembro de 1619, Pedro Núñez de Castro, irmán de Antonio Núñez, escribe dende Santiago solicitando a axuda de don Diego na causa de seu irmán. Considera que o «infeliz suceso» ten como principio a inimizade manifesta das testemuñas que declararon en contra del, movidas ben por envexa, ben polo desempeño do seu «ofiçio en si odiosso por las acavalas (sic) y sisas que a poco que se pagan en nuestra tierra»53, ademais doutros motivos de animadversión, que, conxuntamente, «fueron causa de tan rigurosa prisión» [RB II/2115, 256]. De alí a uns días, o 29 de setembro, o mesmo correspondente comunica que o preito, visto en primeira instancia en Viana, foi remitido ao Tribunal da Suprema Inquisición [RB II/2115, 210]. Ese mesmo día, frei Francisco Sedano, que se declara ministro do Santo Oficio, dá esperanzas fundadas para un bo suceso do preito:
La causa de Antº Núñez aunque de Inquisición no tan oculta para mí que como ministro del tribunal no aya podido rastrear que saldrá lo mejor que ser pueda aviendo hecho en ella quanto an alcançado mis fuerças y oxalá fueran tantas que pudiera con ellas desempeñar parte las muchas y grandes deudas que tengo a v.s. [RB II/2115, 189].
Pedro Núñez volta a escribir para agradecer a don Diego as cartas de favor; faino nese mesmo ano o día 13 dun mes incerto, xa que non consta na data, pero que, polo conti259 Nº 366