106
BOLETÍN DA REAL ACADEMIA GALEGA
(1882a, pp. 4042). Delas salienta Irlanda, análogo nado no primeiro provincialismo, que se constitúe simbolicamente case nun alterego nacional de Galicia. De aí que nos lembre que Rosalía arelaba ?la libertad de la Irlanda española? (La Patria Gallega, 15V1981, p.5), que insista tanto no mito do poboamento primitivo da verde Erín polos fillos de Breogán, que considere tan semellantes os problemas agrarios de Galicia e Irlanda, e que lles poña sempre como exemplo ós galegos a loita nacional dos irlandeses (1881a). b) As nacións (?rexións?) que, como Cataluña e o País Vasco, eran as aliadas naturais de Galicia na súa loita por cambiar radicalmente o Estado español, aínda que non haxa con elas vínculos étnicos (pero si históricos, que se mencionan sempre que convén). Polo tanto, cómpre consolidar esa alianza e seguilo exemplo das que, como Cataluña, contan cun rexionalismo máis forte e organizado (1889a, p. 4). c) O resto das nacións sen Estado de Europa. Sen parentesco étnico nin posible relación históricopolítica, funcionan sen embargo como probas complementarias da actualidade e universalidade do problema nacional, da xustiza das reivindicacións nacionalistas e da viabilidade da loita polas liberdades nacionais. En conclusión, parece innegable que Murguía desenvolve nestes últimos lustros do século XIX un concepto de nación galega plenamente diferenciada de calquera outra, a pesar de que os denotativos sexan aínda oscilantes (nación/nacionalidade/rexión/provincia) e de que non tódolos rexionalistas asuman a radicalidade ideolóxica deste concepto que, por outra parte, nin sequera o propio Murguía leva ás súas últimas consecuencias políticoprogramáticas, como teremos ocasión de comprobar. En todo caso, coa formulación murguiana da idea de Galicianación complétase a lenta xénese do discurso nacional alternativo que se iniciara en 184046, sen prexuízo de que, a partir deste nacemento, continúe a súa evolución e diversificación. O DEBERSER DE GALICIA É indubidable que unha das partes decisivas de calquera teoría ou ideoloxía política é o proxecto, o conxunto de propostas de transformación/conser