98
BOLETÍN DA REAL ACADEMIA GALEGA
Al interés de los que representan ambos dominios, viene a mezclarse el amor inmaculado de los que no quieren que se toque en manera alguna el arca santa de nuestras instituciones sociales. Mucho las amamos, mucho deseamos verlas perpetuarse como eterno y vivo reflejo de una nacionalidad no extinguida; pero confesamos que más que á las cosas de nuestra raza amamos todavía á nuestra raza infortunada. Y esta sufre y padece con el foro.
Esta evolución cara a un referente afirmativo plenamente organicista e o conseguinte desenvolvemento dun vigoroso referente de negaciónoposición ?do que falaremos despois? inciden inevitablemente na súa visión do devir histórico de Galicia que experimenta, no que se re f i re á importancia relativa dos seus factore s m o t o re s , unha viraxe radical.11 Nos parágrafos seguintes comprobaremos que, como xa dixen hai anos (1981a, I, p. 60; 1982, p. XXXI), a reconstrucción que fai agora Murguía do pasado de Galicia perde case toda aquela riqueza dialéctica que comentabamos para pasar a estar presidida e totalmente condicionada pola contraposición antagónica Galicia versus domin a d o r n a c i o n a l m e n t e a l l e o (sexa a Coroa de Castela, sexa o Estado español), vía un reduccionismo analítico que subordina a esa contradicción nacional tódolos demais procesos que afectan a Galicia, internos e externos. Deste xeito, Murguía senta xa as bases do que será a visión histórica imperante no nacionalismo galego do primeiro tercio do século XX. En realidade, o dobre desenvolvemento de ámbolos dous referentes obrigábao, se quería mantela coherencia do seu discurso, a alteralas bases interpretativas da historia de Galicia e das súas relacións con Castela primeiro e co Estado español despois. Por iso agora amortece a importancia da conflictividade interior galega como causa motriz, e carga case tódalas responsabilidades na acción antigalega do Outro nacional. O seu afán de presentala nación galega como un organismo unido, como unha persoa histórica que, se é boa e superior en canto tal, tamén debe selo en todas e cada unha das súas partes, fai que desaparezan, como por arte de encantamento, as eivas, maldades e condenas que en 1865 amoreaba sobre a nobreza galega. E non só iso, senón que esta clase social empeza a compartir cos campesiños a condición de clase nacional nun reparto de funcións históriconacionais que atribúe a estes o papel de depositarios naturais, inconscientes e orgánicos das esencias da galeguidade, e resérvalle á nobreza a misión consciente de adaíl na loita por dotala nación da sobera