MANUEL MURGUÍA
97
larmente aplicable a Galicia9 e que exercería trinta anos despois tanta influencia sobre Vicente Risco. O devir histórico desa comuñón xerou, xa en épocas moi remotas, a verdadeira personalidade nacional galega, que chegou ó seu total desenvolvemento na Idade Media, cando calla o que para el é o terceiro elemento constitutivo en importancia dentro da etnicidade, a lingua: ?Lengua distinta, se ha dicho siempre, distinta nacionalidad. Sintiéndolo así, Galicia se tuvo constantemente por nación de hecho? (1889a, p. 47). Ese idioma galego, ?vaso sagrado en que s'axuntan todol'os prefumes?, no que están ?os principaes elementos d'a nosa nacionalidade?, que ?nos da dereito â enteira posesión d'a terra en que fomos nados, que nos di que pois somos un povo distinto debemos selo? (1891c), transmite uns contidos literarios, un modo de ser e de pensar, un V olksgeist en suma que, sen embargo, non depende tanto do idioma mesmo ?á maneira de Herder? como da conxunción razaterra. Por iso, di Murguía, non debemos sorprendernos de que, por exemplo, a poesía en castelán dun Rodríguez del Padrón e a portuguesa dun Camoês teñan ese inequívoco aire de familia.10 E pola mesma razón, tampouco ten maior importancia para Murguía que o idioma galego actual ?malia conservar pegadas das linguas prelatinas que el sempre busca afanosamente? nin sequera pertenza ó tronco lingüístico dos celtas primixenios. Despois da etnicidade, así entendida, e que na concepción murguiana abonda de seu para constituíla nación galega, a historicidade de Galicia é, en orde de importancia, a segunda clase de elementos constitutivos do referente afirmativo. Pero, ó contrario do que acontece cos tradicionalistas, a historia da nación non é fonte de lexitimidade para as vellas institucións sociais e políticas, senón mero elemento complementario que fornece a secuencia espaciotemporal dos feitos demostrativos da existencia do ser nacional, da súa xénese e evolución, así como dos precedentes de independencia ou autogoberno que reforzan a xustiza das reivindicacións actuais e poñen de manifesto que, se a nación loitou pola súa liberdade dende tempos moi remotos, era obviamente porque xa existía, co que afirmala hoxe non é un capricho de intelectuais á moda. Como xa vimos, Murguía marca, sempre que o estima politicamente necesario, a distancia que media entre o seu historicismo e o dos tradicionalistas. Por exemplo, di referíndose á cuestión foral (1882a, p. 14):