MANUEL MURGUÍA
251
investigacións antropolóxicas (caso senlleiro das de W. F. Edwards), que máis útiles resultaban ó seu obxectivo de reafirmala singularidade do pobo galego ?obxectivo que pasaba pola creación dunha identidade r a c i a l galega?. Con todo, se ben resultaba certo ese desleixo de detalles verbo do elemento racial, é sen embargo posible albiscarmos en liñas xerais unha determinada idea de raza presente en Murguía: o termo ?raza? definía un determinado grupo humano que posuía uns caracteres físicos e psicolóxicos particulares ?caracteres que se transmitían intactos a través dos séculos e das xeracións? que d a l g u n h a m a n e i r a determinaban os xeitos de pensar e de actuar e as manifestacións culturais propias dese grupo humano, á vez que impoñían as capacidades e límites do mesmo á hora de avanzar e de perfeccionarse. Murguía salientaba especialmente o feito da i n m u t a b i l i d a d e racial (discernible tanto na conservación do aspecto físico ?a aparencia exterior dos membros dunha raza? como da conformación psicolóxica ?o ?carácter? ou ?xenio? da raza?), característica que se convertía para el nun requisito de esencial importancia dentro do seu ?paradigma galeguista?. Se Murguía concedía ó aspecto físico da raza unha relevancia meirande da que lle conferían outros contemporáneos seus (como Benito Vicetto ou Alfredo Brañas); non chegaba sen embargo a establecer unha relación causal directa entre o compoñente biolóxico de cada raza e as capacidades e potencialidades dos seus membros. Non adoptaba pois a perspectiva dunha c a u s a l i d a d e biolóxica que relacionase o valor de cada raza con, por exemplo, o tamaño ou a forma do seu cerebro. Isto non quere dicir, porén, que a súa postura fose menos determinista. Significa unicamente que o seu determinismo racial ?que facía dependelas tendencias máis íntimas e o valor de cada persoa da súa orixe racial? non viña dado (aparentemente) en termos biolóxicos. De feito nunca especificou o p o rq u é dese determinismo que el daba por sentado. Estreitamente vencellada a esa concepción da raza e ó seu determinismo aparecía a súa valoración das diferentes razas humanas. Neste caso a súa indefinición e neglixencia das clasificacións raciais dadas polos antropólogos decimonónicos non lle impedan erixir unhas xerarquías humanas para as que empregaba como criterio definitorio básico a atribución, a simple vista arbitraria (pero que en realidade se baseaba nunha longa tradición occidental de