248
BOLETÍN DA REAL ACADEMIA GALEGA
impoñía unhas p re f e re n c i a s ou e l e c c i ó n s determinadas ?que eran aquelas que na perspectiva do autor, ou no parecer da época e do lugar no que escribía, podían parecer máis axeitadas ós seus compromisos e obxectivos. Iso pódese ver claramente a respecto dos aspectos do seu pensamento antropolóxico que antes comentaba. Murguía estaba familiarizado cos principais debates antropolóxicos desenvolvidos no seu tempo. Algúns deles aparecían aquí e acolá nos seus escritos. Pero el só vai tratar con certo interese e detalle uns cantos, precisamente aqueles que máis lle interesaban e os que lle eran máis útiles. Do resto a penas si temos breves e vagas mencións. O mesmo acontecía cos presupostos e cos métodos antropolóxicos dos que facía uso, igualmente condicionados polas necesidades e polas preferencias do autor pero que unha vez elixidos determinaban de maneira importante o xeito de tratalos seus obxectos de estudio (por exemplo o folklore galego). En canto ás interpretacións, poderase ver con facilidade ó longo deste traballo cómo estas dependían fortemente de todo o devandito, precisamente como culminación dese proceso de e l e c c i ó n ó que me veño referindo. Confío en poder amosar todo isto con máis detalle nas páxinas que seguen, por máis que a miña exposición deberá ser necesariamente breve, deixando para outra ocasión unha exposición máis demorada e acompañada de exemplos e de ilustracións das miñas afirmacións tirados dos escritos do propio Murguía2. Para conseguir unha maior comodidade expositiva dividín o traballo en tres apartados, centrados cada un deles nunha faceta concreta da ?antropoloxía? de Murguía ?a idea de raza?, as súas opinións acerca da humanidade primitiva e o seu tratamento da ?cultura popular? galega, respectivamente. Porén, malia a estas divisións un tanto arbitrarias hai que indicar xa dende agora que todas estas cuestións estaban estreitamente vencelladas entre si (de xeito que os temas dos que se ocupa cada apartado remiten continuamente ós do resto) dentro da ?lóxica? global que dominaba a súa empresa investigadora e a súa estratexia ideolóxica. En última instancia formaban parte todas elas do seu intenso compromiso vital con Galicia. Por último quero pechar esta introducción cunha aclaración (confío que innecesaria) acerca dalgúns termos aquí empregados: verbas e cualificativos que se atoparán máis adiante como ?raza?, ?raza inferior?, ?raza superior?,