BOLETÍN DA REAL ACADEMIA GALEGA
Alocucións académicas sobre María Mariño no Día das Letras Galegas
coa cabeza ata sangrar. É irrepetible, inimitable, e quen pense que Novoneyra podía escribir eses poemas é que non sabe ler moi ben, pois a poesía de Novoneyra e a de María Mariño, malia algunhas semellanzas importantes pero máis ben de superficie, no fondo son radicalmente diferentes. Novoneyra é substancialmente claro; María Mariño é substancialmente escura; e digo estas dúas palabras cada unha nos seus dous sentidos máis obvios. Levo moitos anos acompañándome coa poesía de María Mariño. Teño un exemplar de Palabra no tempo que debín mercar no ano 69, e o propio Novoneyra fíxome o agasallo de deixarme ler no inédito Verba que comenza aló polo 1971. Digo isto pra darlle máis forza ó que vou afirmar: creo que a poesía de María Mariño nunca poderá ser ben entendida, nunca poderá ser ben explicada. En realidade, toda poesía é imposible de explicar totalmente, pois toda poesía, precisamente porque o é, ten zonas de misterio irredutible; mais á fin os críticos, ou algúns críticos, case sempre acaban dilucidando case todo de case todos os poetas. Pero a poesía de María Mariño presenta dificultades insuperables. As enormes violencias a que somete a lingua producen estrañamento, imposibilidade de comprensión racional, imposibilidade absoluta de determinar o significado exacto das palabras, e sobre todo dos sintagmas. O filólogo, o gramático, non entende en canto tal, fica desorientado. Felizmente, o lector ou escoitador de poesía pode recibir o suficiente pra ficar preso, marabillado, fascinado, mesmo aterrorizado, porque non é imprescindible entender racionalmente, senón apreixar emocionalmente, sentir o pálpito do canto.
NOTAS
1 Como sabemos grazas a Xesús Alonso Montero ?sempre tan atento a facernos coñecer os textos que os poetas, por unhas razóns ou por outras, prefiren non divulgar?, que publicou algúns fragmentos facsimilares en ?Abrojos (1948), primeiro poemario ?inédito? de Novoneyra?, Madrigal, Vol. 5 (2002).
Nº 368
114