BOLETÍN DA REAL ACADEMIA GALEGA
Vida oficial da RAG
CENTURIA chegaban ás mans amigas ou simplemente circulaban polas poucas librerías ourensáns, a cidade está vivindo tamén unha raiolante presencia de belidas mansións de estilo modernista, polas cales o escritor Luis V. Trabazo sentía, como todos nós, unha particular simpatía. Noutro orde de cousas, o alento patriótico galego alentaba no crisol e no ideal das ?Irmandades da Fala?, que estaban izando por toda a Terra galego, tendo ó frente esgrevios loitadores. Galicia, como decía Otero Pedrayo, estaba na calmosa pero confiada espera de Vicente Risco, que ben logo entrou nos seus cenáculos e acadou a máxima categoría na rectoría daquil xeneroso movimento cultural que había de ter unha repercusión grande na recuperación da conciencia colectiva de Galicia como pobo. Seu Guieiro maior foino Vicente Risco. Ao tempo que Risco publica a súa ?Teoría do Nazonalismo galego? e no mesmo obradoiro tipográfico, no mes de outono sairá o primeiro número da revista NÓS, e Risco, con Castelao, Otero Pedrayo, Lousada Diéguez, Cuevillas, Noguerol, con moitos outros que virán despois, farán posible iste milagro. De certo, sin LA CENTURIA, non teríamos NÓS.? Colaborou ademais en varios diarios galegos (El Pueblo Gallego; La Región; Faro de Vigo; El Progreso; La Voz de Galicia) e en revistas como Logos e Spes, de Pontevedra, e no Boletín da Real Academia Galega. Falecido o 1 de abril do 2005 en Ourense, don Xulio Francisco Ogando Vázquez foi despedido cunha Homilía Fúnebre pronunciada polo Padre Isorna na igrexa da Trindade desa cidade, en misa presidida polo señor bispo de Ourense e á que asistiu unha delegación da Real Academia Galega. Tralo seu falecemento púxose en marcha a ?Fundación Casdemiro. Xulio F. Ogando Vázquez?, encargada de perpetuar a súa memoria e poñer a disposición dos investigadores o seu valioso arquivo e biblioteca.
Nº 367
314