XULIO FRANCISCO OGANDO VÁZQUEZ Marcos Valcárcel
Xulio Francisco Ogando Vázquez naceu en Ourense o 13 de decembro de 1913. Licenciado en Filosofía e Letras ?sección de Historia pola Universidade de Santiago, con premio extraordinario, posteriormente licenciouse en Dereito (1950), e exerceu a docencia desde 1941 como catedrático de Lingua e Literatura Españolas en varios institutos, desempeñando tamén a dirección do Instituto Otero Pedrayo ata a súa xubilación no ano 1983. Despediuse do Instituto o 9 de decembro de 1983 cunha lección maxistral que lembrou as figuras de Saco y Arce, Marcelo Macías e Julián Besteiro e no que se definiu, nunha súa fórmula habitual, como ?un home liberal pero á vez fondamente católico?; esta despedida foi tamén unha homenaxe da vida cultural e docente de Galicia na que estiveron presentes o conselleiro de Educación e Cultura naquel momento, Victor M. Vázquez Portomeñe, e as principais autoridades da provincia ourensá. Militou nas Mocidades Galeguistas antes da guerra civil e ingresou na Real Academia Galega en abril de 1980 co discurso Tres fitos na historiografía da lingua galega: 1768, 1868, 1968. Foi tamén presidente da Caixa de Aforros de Ourense (1981), membro das Fundacións Otero Pedrayo e Alexandre Bóveda, correspondente da Real Academia da Historia, Academia Galega de Jurisprudencia y Legislación e Instituto de Coimbra. A súa longa obra de investigación histórica abrangue diversos campos, como o mundo do libro e a bibliofilia; o estudo de xuristas, mestres e ilustrados desde o século XIV ó XVIII, e os seus estudos sobre escritores galegos. No primeiro apartado, cabe subliñar traballos como Tres notas sobre la ?Historia Compostelana? (1943), Catálogo de la Primera Exposición del Libro Lucense (1945), La Biblioteca ideal de un cura mindoniense del siglo XVI (1947) e Supersticiones mindonienses en las sinodales del obispo Fr. Antonio de Guevara (1979). O segundo bloque de estudos contempla títulos como Los grandes juristas gallegos (1954), Cuatro juristas orensanos (1960) ou os seus estudos sobre Fray Álvaro Pelagio (O.F.M.), escritor gallego del siglo XIV (1941); Un jurista astorgano del siglo XVII. El Lic. Don Pedro García de Ovalle, colaborador del Conde de Lemos en el Perú (1953); Gaspar Rodríguez, jurista gallego del siglo XVI (1970); Un gallego, maestro insigne en Coímbra: Francisco de Caldas Pereira Castro (1971); Francisco Salgado de Somoza (1974); etc. No capítulo histórico e literario, subliñemos algúns estudos como Dolor y u olvido de López Ferreiro (1939); La fundación del convento de la Anunciada de Villafranca del Bierzo (1942); Dos cartas inéditas del P. Flórez (1944); El Duque de Alba y Astorga (1953); La custodia de Arfe de la Catedral de Santiago (1973); As ?Lerias no adro? de Castelao (1975), o seu prólogo á reedición de La Centuria (Sotelo Blanco, 1981) ou achegamentos a autores como Antonio López Ferreiro, Juan Manuel Paz Nóvoa, Marcelo Macías, Ramón Otero Pedrayo e Manuel Martínez Risco, entre outros. Do seu prólogo a ?La Centuria? son estas liñas, que recordan ós personaxes do galeguismo que el tratou na súa mocidade e en épocas posteriores: ?Cando os números pequenos e lixeiros de LA
313
Nº 367