MANUEL MURGUÍA
89
Esta crecente moderación murguiana déixase sentir tamén na súa intransixencia cos rexionalistas federalistas, isto é, coa esquerda do movemento; na simultánea transixencia que amosa co rexionalismo tradicionalista, co que non romperá abertamente ata que as manifestacións neocarlistas de Brañas e compañía o poñan no dilema de repudialas, cousa que fará, ou avalalas; e no seu progresivo distanciamento da dirección do rexionalismo liberal cando esta, xa na primeira década do século XX, se achegue algo ó republicanismo da man de discípulos seus como Lugrís Freire. Vexamos agora cómo se articula este liberalismo centrista co historicismo, que segue a ser para Murguía instrumento maior de coñecemento das realidades humanas pasadas e presentes, pois ?nunca como en el siglo actual fue la historia la verdadera maestra de los hombres, y el historiador el político por excelencia de su tiempo!? (1889a, p. 20). Cita outra volta o seu mestre preferido, Augustin Thierry, para quen ?es ya tiempo de asentar nuestras convicciones, no sólo sobre una base lógica, sino también histórica?, e engade (1891b): ?Esta gran verdad la ha comprendido á maravilla el regionalismo, tratando de buscar á sus aspiraciones base firme y legítima en la historia de su región respectiva, tanto, que puede decirse que tan gran reivindicación de las nacionalidades desconocidas ó negadas, parte de la nueva y más eficaz dirección dada en nuestros tiempos a las ciencias históricas [...] Como a superior maestra tenemos que acudir a la historia los regionalistas, para que la luz del pasado ilumine nuestro porvenir?. E esta mestra ensina a Murguía algunhas ?verdades? básicas. A primeira é que a organización i n t e r i o r dos grupos humanos, as súas estructuras sociais e políticas, experimenta unha evolución inevitable que os vai levando, entre loitas e tensións, cara á configuración moderna, baseada na propiedade privada e nas liberdades civís e políticas. E chegados a este punto, só resta procurala purificación dese modelo social das eivas que arrastra de épocas anteriores, non buscar un modelo alternativo (1882a, pp. 710). Este é o compoñente dinámico e xenuinamente liberal da súa concepción da historia na madurez. A segunda é que ese dinamismo sociopolítico interno dos grupos humanos non impide a grande estabilidade deses grupos en canto unidades etnoculturais, compartimentos verticais cuasi eternos da humanidade ó longo dos sécu