Eladio Rodríguez González
BOLETÍN DA REAL ACADEMIA GALEGA
Nova comisión do DRAG en 1924 A proposta do presidente Ponte y Blanco, elíxese unha nova e única Comisión do Diccionario da que, como dixemos, non vai formar parte Vaamonde Lores. Os elixidos son Eladio Rodríguez, Lugrís Freire e Leandro Carré Alvarellos (Libro de Actas, 30VI1924). Este cambio manifesta que as antigas comisións xa non funcionaban, pois do contrario tanto Eladio Rodríguez, membro da Comisión Xestora, como Lugrís Freire, da Ortográfica, podían propoñer cambios na elaboración da obra sen necesidade de ningún tipo de reforma. Tamén parece evidente que se trata dunha actuación presidencial dirixida, pois se había diferencias de criterio á hora de elaborar a obra estas, de seguro, non partían de Ponte y Blanco. Este feito provoca o lóxico enfado de César Vaamonde que, segundo Amor Meilán, abandona nese momento a publicación do Diccionario.
En sesión de 30 de Junio de 1924, por cierto la primera que presidió el finado Sr. Ponte y Blanco, aparece designada, después de un breve cambio de impresiones, segun reza el acta, una Comisión denominada del Diccionario compuesta de los señores Lugrís Freire, Rodríguez González y Vaamonde (D. César). Desde aquel punto y hora bien puede decirse que aparece interrumpida la publicación del Diccionario. El Sr. Vaamonde, a quien la Academia confiriera el encargo de compilar, ordenar y redactar las papeletas para la magna obra, creyóse virtualmente desautorizado y cesó en la labor que le fuera confiada (Expediente Diccionario 1928).
Repárese en que Amor Meilán manexa datos errados, crendo que César Vaamonde estaba entre os membros da nova Comisión. Na primeira sesión do mandato de Ponte y Blanco estaban presentes os numerarios: Eladio Rodríguez, Manuel Lugrís, e Eugenio Carré. O académico de número electo, mais sen ler o discurso Martínez Morás e os correspondentes: Antón Villar Ponte, Plácido Lugrís, Leandro Carré e César Vaamonde. Tamén asistiu Vicente Ruíz Castañeda como representante da Asociación Iniciadora y Protectora e delegaron a súa representación no presidente: Varela Lenzano, Casto Sampedro, Amador Montenegro, Barcia Caballero, Cabeza León, Díaz Sanjurjo, Wenceslao Requejo e Banet Fontenla. Mentres que Federico Maciñeira, Pérez Costanti, Florencio Vaamonde, R. Cabanillas, Amor Meilán e Vega Blanco o fixeron en Eladio Rodríguez e Marcelo Macías en Martínez Morás. A Comisión elixida nunca debeu entrar en funcionamento, xa que os cadernos do diccionario seguíronse realizando do mesmo xeito e pola mesma persoa. A situación na Academia é de todos os xeitos cada vez máis tensa, e durante o mandanto do exalcalde coruñés as liortas entre os académicos nacionalistas e os de signo contrario van ir medrando cada vez que se produzan vacantes que ambos os bandos queren conseguir para as súas filas. Hai tres cartas cruzadas entre Amor Meilán e Eladio
107
Nº 362