108
BOLETÍN DA REAL ACADEMIA GALEGA
Galicia como Irlanda no fue más que un país de conquista para ciertas gentes.
A revolución de 1868 implica unha fonda cesura que afecta tamén ó devir do galeguismo. Nos primeiros momentos do sexenio hai unha iniciativa, que coñecemos gracias a F. Rodríguez (1988, pp. 81s), para articular unha alternativa política provincialista dende posturas non moi radicais. Non é aventurado albiscalas ideas e mesmo a prosa de Murguía detrás do manifesto ?A Galicia? (El I m p a rc i a l, 7I1869) co que un grupo de ?liberales gallegos? residentes en Madrid e ?simpatizantes con la monarquía parlamentaria? propoñen ós seus ?compatriotas? a participación nunha chamada Unión de Galicia, co gallo das próximas eleccións a Cortes Constituíntes, previstas para os días 15 a 18 de xaneiro. O propio nome do proxectado grupo así como o teor do manifesto é nidiamente provincialista. De feito, é o canto do cisne do provincialismo político:
....experimentemos hoy la satisfacción más inefable al anunciar a nuestros paisanos y adeptos el importante y trascendental acontecimiento de constituirse en la capital de la nación, para los más altos fines posibles, una poderosa asociación compuesta de elementos propios [...] Hállase la desventurada Galicia en un triste y deplorable estado de abandono: sólo la s i n c e r a u n i ó n de sus hijos podrá rescatar su ofendida dignidad y su merecida estimación en el concurso de todas las provincias de España.
E a continuación expoñen unha nómina de problemas e reivindicacións que constitúe a versión máis completa do programa provincialista nun só documento. E así, denuncian a ausencia de Galicia entre os pobos industriais de Europa, a emigración especialmente entre os novos, a ausencia de ferrocarril malia sela provincia máis cargada de impostos, o abandono dos portos e dos camiños veciñais, a ?estremada división y subdivisión de la propiedad y el insoportable gravámen con que la oprimen foros y subforos [...] causa principal de servidumbre y decadencia?, o estanco do sal, as corruptelas da administración local, as coaccións electorais e o cunerismo. En contraposición, exaltan o ?acto solemne y soberano del sufragio? e din que a Unión de Galicia ten como obxectivo facer imposible ?la encarnación de candidatos extraños? e conseguir que a representación de Galicia corresponda a fillos do país. Sobre estas bases, durante a primeira década da Restauración, o tardoprovincialismo vai perfilando mellor a especificidade do seu discurso en tódolos eidos, entre outros motivos porque, logo do susto da I República, se acrecenta