BOLETÍN DA REAL ACADEMIA GALEGA
Traballos de investigación e estudo
Petán, pertencentes ó primeiro, e os de Vincios e Gondomar, dos que é titular o segundo.
O asinante das cartas que editamos é o señor das Achas e de Petán, fillo de Antonio Sarmiento «o Moço», que morreu sen herdar a seu pai, e de Leonor de Rojas e Silva. Casou en primeiras nupcias en Mérida con María de la Rocha Solís e, morta esta, casa contra 1602 con María Álvarez de Castro e Somoza, «madre de Francisco mi yerno» [RB II/2122, 37]. E, en efecto, na fórmula de despedida o das Achas menciona sempre á súa muller María41, o que nos permite distinguilo nunha lectura superficial do seu homónimo o conde de Salvaterra, autor tamén dun bo monllo de cartas do epistolario gondomarino, que acostuma a firmar en Salvaterra e fai mención na despedida da súa muller Leonor (véxase, p. e., RB II/2130, 48). A mención de ser de idade «de más de seçenta años», na carta de Diego Sarmiento de Acuña de 1608 [RB II/2133, 158] (cf. nota 42), permite situar contra 1548 a data de nacemento do señor das Achas, «preto de vinte anos máis vello que Gondomar» (Tobío 1973: 142). Comeza a primeira das cartas lamentando a ausencia do destinatario, que se atopa en Valladolid exercendo como correxedor desa cidade, cargo que se menciona para aludir ao seu cese no mesmo, que, aínda que non é efectivo na data da carta, era xa coñecido (BRAG 2004, 256): «...coela despertaría vosa mercé do sono de correxidor». Está presente na carta o perigo a que está exposta a costa e mais a axuda dos portugueses, días antes das paces que se concertarán na Coruña entre Inglaterra e España, o 26 de abril (Tobío 1974: 207). Encarece o retorno do destinatario á súa terra comparándoo coas mercadorías que traen as naos da India a Baiona, e disponse a exercer xustiza na «alçada de pimenta», comisión para a que fora nomeado por intercesión do seu correspondente42. Interésase polos parentes máis achegados de don Diego, solicita saber de dona Constanza de Acuña e apúrao para o casamento de «mjña señora dona Joana»43. Na despedida envía os correspondentes saúdos da súa esposa María e de dona Constanza. Na segunda das cartas, don Diego insiste no desexo de obter resposta do destinatario e agradece a recibida por man de Diego García44. En comisión do seu cargo solicita verse co tesoureiro, Antonio Borges de Sousa45. Comenta o desenlace dunha acción dos corsarios holandeses, que de dúas naves capturadas volveron «un dos navíos con toda a sal, e toda a jente dos dous botaron naquele». Cinco días antes da data desta carta, o mesmo señor das Achas informaba do inicio desta acción pirata:
De aquí no ay cosa de nuevo más de que los olandeses a vista del monesterio de Oya tomaron ayer dos navíos de Pontevedra cargados de sal y se an venido con ellos a las yslas y piden rescate por la gente y nabíos [RB II/21113, 78]46.
A continuación, xogando coa verba «liberdade», que aplicou antes á liberación do navío, solicita do destinatario que medie ante don Juan de Acuña47 e os «señores da Junta do noso Portugal», para que con brevidade lles libren a el e mais ao tesoureiro
Nº 366 254